पैदल यात्रुलाई भ्यानले ठक्कर दिँदा थुप्रै घाइते

५ असार, काठमाडौं – उत्तरी लन्डनको पिन्सबरी पार्कमा रहेको मस्जिद नजिकै एक भ्यानले पैदल हिँडिरहेका यात्रीहरूलाई ठक्कर दिँदा थुप्रै व्यक्ति घाइते भएको बीबीसीले जनाएको छ । घटनामा कसैको मृत्यु भए नभएको कुरा अझै थाहा हुन सकेको छैन ।

सेभन सिस्टर रोडमा भएको यो घटनामा संलग्न एक जना व्यक्तिलाई लन्डन पुलिसले गिरफ्तार गरेको छ । मुस्लिम काउन्सिल ब्रिटेनले उक्त व्यक्तिले जानीबुझीकनै मानिसहरूलाई ठक्कर दिएको आरोप लगाएको छ । रमजानका कारण रातिको नमाज पढ्न आएका व्यक्तिहरूले गर्दा उक्त क्षेत्रमा मानिसहरूको सघन उपस्थिति थियो । घटना किन र कसले घटाएको हो अझै थाहा हुन सकेको छैन । यसको पन्ध्र दिनअघि लन्डनस्थित लन्डन ब्रिज र नजिकैको क्षेत्रमा यस्तै एउटा घटना भएको थियो ।