काठमाण्डौ –  क्लरिष्ट जुनिम गहतराजको डेव्यु निर्देशनमा निर्माण भएको र आगामी फागुन ९ गतेबाट रिलिज हुने सिनेमा ‘ताण्डवम्’को पहिलो गीत ‘हिमानी’ (ए सानु) रिलिज भएको छ । केही दिनअघि सार्वजनिक गरिएको सिनेमाको टिजरलाई दर्शकले मनपराएसँगै मंगलबार सिनेमाका मुख्य कलाकार जुनिम गहतराज र सरिना मगर फिचर्ड गीत रिलिज गरिएको हो । सिनेमालाई महाशिवरात्रीको पूर्वसन्ध्या पारेर रिलिज गर्न लागिएको हो ।

सुशान्त गौतमको शब्द रचना तथा संगीत रहेको यस गीतमा इन्द्रकला राईको स्वर छ । गायिका राई पछिल्लो समय ‘भ्वाइस अफ नेपालको सिजन ६’मा सहभागी भएसँगै चर्चामा छिन् । उनले स्वर भरेका ‘बेहुली फ्रम मेघौली’को ‘उडायो मन’ र ‘बार्दली’ गीत दर्शकमाझ चर्चित छन् । त्यसले आज रिलिज हुने ‘ताण्डवम्’को गीतलाई पनि फाइदा पुग्ने विश्वास निर्माण टिमको छ ।

सिनेमामा सिनेमामापुष्कर गुरुङ, प्रेम सुब्बा, सरिना मगर, अनोज पाण्डे, कमल कार्की र गोपाल कटुवालको अभिनय रहेको छ । सिनेमाले एक नव विवाहित जोडी जो आफ्नो पहिलो सन्तानको स्वागतको तयारी गरिरहँदा उनीहरु जीवनमा घट्ने अकल्पनिय घटनाले निम्त्याउने उतारचढावको कथालाई पारिवारिक तथा एक्सन थ्रिलर जनरामा प्रस्तुत गरिएको छ ।

सिंहदेवी प्रोडक्सनले भिजुयल आर्ट्स स्टुडियोको सहकार्यमा निर्माण भएको सिनेमाका निर्माता धनकुमारी गहतराज, सविना मगर र मनिष गौतम हुन् । हरि घले लामाले खिचेको सिनेमामा सम्राट बस्नेतको एक्सन निर्देशन, सुशान्त गौतमको संगीत र कोबिद बज्रको ब्याग्राउण्ड म्युजिक रहेको छ । सिनेमाको कथा, पटकथा तथा संवाद अनिरुद्ध आत्रेय र हुसेनले लेखेका हुन् ।

काठमाण्डौ – केरकार पारीमा अन्जना बराइलीको अभिनय गायक साइराज खातीले नयाँ गीत मेटँ भन्छु केरकार पारीु ल्याएका छन्। गीतकार सुरेन्द्र दियालीको गीतमा उनले स्वर दिएका हुन्। आफ्नो गायकीबाट युवापुस्तामाझ लोकप्रियता कमाइरहेका गायक खाती मेरो भ्वाइस युनिभर्सुका फोर्थ रनरअप हुन्। प्रसाद, पुजार सार्की जस्ता चलचित्रमा संगीत गरेका सुबास भुषालले यस गीतलाई संगीत गरेका छन् भने विश्व अधिकारीको एरेन्ज, मिक्सिङ र मास्टरिङ रहेको छ।

देशमा बढ्दो रोजगारीको कारण प्रेम र सम्बन्धहरु क्रमश चिसिँदै यथार्थलाई दृष्य कथा मार्फत् भन्न खोजिएको छ, जसमा अहिलेकी निकै व्यस्त नायिका अन्जना बराइलीको अभिनय रहेको छ। अभिनेत्री बराइलीलाई साथ दिएका छन् गीतकार तथा कलाकार सुरेन्द्र दियालीले। विशाल थापाको छायांकन रहेको म्युजिक भिडियोलाई गणेश शाहीले निर्देशन गरेको हुन् । गीतलाई भाका इन्टरटेनमेन्ट युट्युब च्यानलले बजारमा ल्याएको हो ।

काठमाण्डौ – नेपाली चलचित्रको पहिलो नेपाली महिला संगीतकार रेखा पौडेलको स्वर तथा रचनामा सजिएको म्युजिक भिडियो “नाचन च्याङबा” सार्बजनिक भएको छ । गीतमा स्वर तथा संगीत पौडेलकै रहेका छन भने शब्द तथा निर्देशन समीर लामाको गरेका छन ।

चर्चित हाँस्य टेलिसिरियल सक्किगोनिका कलाकार तथा मोडेल सागर लम्साल ,बले,र सोही सिरियलका कलाकार सुस्मिता कुँवर छोटिको दमदार प्रस्तुति रहेको गीत, छायांकन भने रेशम दर्लामिले गरेका छन । तामाङ सेलो भए पनि पछिल्लो समय सेलो गीतले बजारमा राम्रो छाप छोडेको हुँदा गीतले दर्शक स्रोताको मन जित्नेमा ढुक्क देखिन्छिन् गायिका तथा संगीतकार पौडेल ।

मोडेल तथा कलाकार लम्साल भन्छन् गीत राम्रो छ जतिसक्दो राम्रो भिडियो बनाउने कोसिस गरेकाछौ जे होस तामाङ सेलो गीतमा मेरो पहिलो प्रस्तुति भए पनि गीत अनुसारको भिडियो बनाएका छौ बाँकी दर्शकहरुको हातमा छ । त्यस्तै मोडेल तथा कलाकार सुस्मिता कुवँरको पनि लम्सालकै बोलिलाइ समर्थन गर्दै गीतमा बेस्ट दिन खोजेकी छु तामाङ समुदायले मात्रै नभै सिङ्गो नेपालीले हाम्रो गीतलाइ मन पराउनेमा विस्वस्थ रहेको मोडल कुँवरले बताईन ।

निर्देशक तथा गीतकार लामाका अनुसार तामाङ सेलो गीतसबै समुदायले मन पराउने भएको हुँदा गीतलाइ विशेष प्राथमिकताका साथ राम्रो बनाउन खोजेको रयस्तो खालको गीतले मार्केट लिन सक्ने लामाले बताए । भिडियोको नृत्य निर्देशनको जिम्मा पाएका दिनेश पाख्रीनले गीत चल्नेमा आफू दुई मत नरहेको बताउँछन । गीत तथा भिडियोलाई ओएसआर डिजिटल को युट्यूव च्यानल सार्वजनिक भएको छ ।

काठमाडौं – नेपाल आइडल सिजन ५का विजेता करण परियारको स्वरमा नयाँ गीत अस्ति भन्दा हिजो … को भिडियो दर्शकमाझ आएको छ । गीतमा संगीतकार दीपक शर्माले संगीत सृजना गरेका हुन् । यो गीतको भिडियोलाई सम्राट क्रिएसनको युट्युव च्यानलबाट सार्वजनिक गरिएको छ ।

किशोर मनोविज्ञापनमा आधारित भएर तयार गरिएको यो गीतलाई निर्देशक सुमन दाहालले लेखेका हुन् । गीतमा सम्राट न्यौपानेको संगीत संयोजन रहेको छ । गीतकार सुमनका अनुसार बालबाट किशोरावस्थामा प्रवेश गरेका किशोरहरुको मनोविज्ञानमा यो गीत केन्द्रित रहेको छ । किशोरमा प्रवेश गर्दै गर्दा उनको शारीरिक र मानसिक विकासमा आएका परिवर्तनले जीवनमा ल्याउने कौतुहलतालाई गीतमा प्रस्तुत गरिएको सुमनले बताए ।

यो गीतको भिडियोमा बाल कलाकार सम्राटको एकल अभिनय रहेको छ । सम्राटले यो गीतमा आफुजस्तै किशोरहरुको भावना समेटिएकाले यसमा आफुले अभिनय गरेको बताएका छन् । उमेरले १४ वर्ष पुगेका सम्राटको यो १४ औं भिडियो हो । सम्राटले पाँच वर्षको उमेरबाटै अभिनय यात्रा सुरु गरेका हुन् । उनले राष्ट्रिय भावको भिडियोमा पहिलो पटक अभिनय गरेका थिए । त्यसपछि सम्राटले निरन्तर मोडलिङ गर्दै आएका छन् ।

बिगत ८ वर्षदेखि अमेरिकामा रहँदै आएका निर्देशक सुमन दाहालले म्युजिक भिडियो तथा लघु चलचित्र निर्देशनलाई पनि निरन्तता दिँदै आएका छन् । यो गीतको भिडियोको सबै छायांकन अमेरिकाको केन्टकी राज्यका विभिन्न रमणीय स्थानमा गरिएको सुमनले जनाए । भिडियोलाई दर्शकले मन पराएको उनले बताए ।

काठमाडौं – लिम्बु जातीको संस्कार, संस्कृति झल्काउने बृत्तचित्र, चलचित्र निर्माण र प्रदर्शन गर्ने गतिबिधी पछिल्लो समयमा बढीरहेको देखिन्छ । यतिबेला लिम्बु जातीकै परम्परा, कलासंस्कृतिमा आधारित रहेर निर्माण भएको ‘सुँगुरको मासुमा पल्केर दुई’ बोलको गीत तथा म्युजिक भिडियो सार्वजनिक भएको छ ।

सार्वजनिक भएको ‘सुँगुरको मासुमा पल्केर दुई’ मा शब्द, संगीत र स्वर शाइल लिम्बु, सम्झना योङहाङको रहेको छ । यसै हप्ता छायाङ्कन गरिएको भिडियोलाई जि. मिडिया युट्युब च्यानल मार्फत सार्वजनिक गरिएको हो ।

यसमा कलाकार यासेली योङहाङ, चर्चित मोडल डोना थापा, विपना आङ्बुहाङ, आशिष लिम्बु, मिस मंगोल एन्जल राई, उम्दा कलाकार उदय बेघा प्रकाश आङ्बुहाङ, ‘हाङ बारे’ बिमला इवाराम, मिना महरेसाङ, हर्कराज घिसिङ, ज्योति आङ्बुहाङ, बिवास राई, बिशाल लिम्बु, आदि कलाकारहरुको अभिनय रहेको छ ।

निर्माता प्रकाश आङ्बुहाङ ‘हाङ्बारे’ को निर्माण  रहेको उक्त भिडियोमा सनम तामाङको छायाङ्कन, दिनेश शाहको सम्पादन रहेको छ भने दिनेश माङ्गमुको कोरियोग्राफी र बिजय मगरले भिडियोको निर्देशन गरेका छन् ।

काठमाडौं– गायक तथा संगीतकार कन्हैया सिंह परियारले आफ्नै आधिकारिक यूट्युब च्यानलबाट नयाँ गीत ‘घुम्नलाई जाँदा लाङटाङ’ लाई लिएर दर्शक तथा स्रोतामाझ आएका छन् ।  हालै मात्र उनले यो कर्णप्रिय गीतको म्युजिक भिडियो सार्वजनिक गरेका हुन् ।

विजय रुम्बा लामाद्वारा निर्देशन तथा सम्पादन गरिएको गीतको म्युजिक भिडियो आकर्षक बनेको छ । रमणीय लोकेशनमा छायांकन गरिएको यो भिडियोमा गायक कन्हैया सिंह परियारले नै मुख्य भूमिका निर्वाह गरेका छन् । भिडियोमा उनलाई कनिशा सिङ्तानले साथ दिएकी छिन् । भिडियोको छायांकन पनि निर्देशक रुम्बाले गनै गरेका छन् ।

गायक तथा संगीतको रुपमा लोकप्रियता हासिल गरिसकेका कन्हैया सिंह परियारलाई अभिनयमा पनि अब्बल देखिएको छ । आफ्नै गीतको भिडियोमा उनले गरेको अभिनय प्राकृतिक शैलीको देखिएको छ । यो गीतको भिडियोको लोकप्रियतासंगै आगामी दिनमा पनि उनले आफ्ना गीतका भिडियोमा अभिनयलाई निरन्तरता दिने आशा गर्न सकिन्छ ।

माधव लामिछानेद्वारा रचना गरिएको यो मेलोडियस गीतमा गायक कन्हैया सिंह परियारकै संगीत रहेको छ । बलराम समालले यो गीतमा संगीत संयोजन गरेका छन् । बलराम समालले नै यो गीतलाई मिक्सिङ गरेका हुन् ।

काठमाडौं – राज्यद्वारा प्रदान गरिने सार्वजनिक सुरक्षाका सन्दर्भमा प्रहरी सदा अग्रपंक्तिमा रहन्छ । सार्वजनिक विश्वास र सहयोग, कानुन कार्यान्वयन, अपराध नियन्त्रण र रोकथाम तथा सार्वजनिक सुव्यवस्था कायम गरी आम नागरिक र सम्पत्तिको रक्षा गर्ने प्रमुख कार्य प्रहरी संगठनको हो भन्ने कुरालाई नकार्न सकिन्न । यतिमात्र नभएर खेलकुद, गीतसंगीत लगायगको क्षेत्रमा नेपाल प्रहरीको अहंभूमिका रहेको कुरालाई समेटिएको ‘एक कदम’ बोलको गीतको भिडियो सार्वजनिक भएको छ ।
विष्णु भण्डारीको शब्द रचना, प्रमोद खरेलको स्वर, भिम बिसिको संगीत, श्यामस्वत रसैलीको संगीत संयोजन रहेको ‘एक कदम’ बोलको गीतमा गायक खरेललाई भिम बिसि, मनोज खनाल, दिनेश बिष्टले स्वरमा साथ दिएका छन् ।

भिडियोमा दिनेश बिष्ट, भिम खड्का, दिपा पनेरु, प्रियंका शिवाकोटी, हीर शाही ‘संगीता’, ओम प्रसाद शिवाकोटी, विशाल नेपाल, निर्मल बिष्ट, रोहित घिमिरे, सुक्मन जंग अश्रपती, रोशन बोगटी, दिनेश जोशी, बिरेन्द्र कलेल, अर्जुन बम आदिको अभिनय रहेको ‘एक कदम’ भिडियोलाई प्रकाश खड्काले खिचेका हुन् भने बिक्रम चौहानले निर्देशन गरेका हुन् ।
गीतको पोष्टर डिजाईन लक्ष्मण चौहान, श्रृंगार यमुना पाण्डे र एलिजा सिजवाल, भिएफएक्स मीन रावल, कलर मिलन बिश्वकर्माको रहेको छ ।

काठमाडौं– फ्राइडे रिलिज अन्तर्गत आज भदौ ७ गते शुक्रवारदेखि दुई नयाँ नेपाली फिल्महरु ‘सतीदेवी’ तथा ‘नमेटिने घाउ’ प्रदर्शनमा आएका छन् । सञ्चारकर्मी लक्ष्मण सुवेदीद्वारा निर्देशित ‘सतीदेवी’ तथा अभिनेता रमित ढुंगानाद्वारा निर्देशित ‘नमेटिने घाउ’ एक साथ प्रदर्शन भएका हुन् ।

प्रदर्शनमा आउनु भन्दाअघि नै विभिन्न महोत्सवहरुमा प्रदर्शन भएर थुप्रै महोत्सवहरुमा उत्कृष्ट अवार्ड जितिसकेको फिल्म ‘सतीदेवी’ ले बाबु तथा छोरीबीचको स्नेही सम्बन्ध तथा समाजमा पितृसत्तात्मक सोचविरुद्धको संर्घष कथा बोलेको छ भने ‘नमेटिने घाउ’ मा समाजको विसंगतिको रुपमा रहेको एसिड आक्रमणमा परेका सर्भाइभरहरूको वास्तविक जीवनीलाई चित्रण गरिएको छ ।

अभिनेत्री मलिका महतलाई जुत्ताको माला र कालोमोलो दलेको अवस्थामा प्रस्तुत गर्दै पहिलो पोस्टर सार्वजनिक भएदेखि नै चर्चामा रहेको फिल्म ‘सतीदेवी’ लामो समयदेखि दर्शकमाझ प्रतिक्षित बनेको फिल्म हो । यसले समाजमा अझै पनि छोरीहरुलाई कसरी तिरस्कार गरिन्छ, सामाजिक मर्यादाका लागि छोरा नै पाउनु पर्छ भन्ने विकृत मानसिकतालाई व्यंग्य गर्दै छोरीहरुले थालेको आन्दोलनलाई चित्रित गरेको छ ।

सतीदेवी’ को तीन दिनअघि काठमाडौंमा आयोजित प्रीमियर शोमा यसको कथावस्तु र कलाकारको अभिनयको प्रशंसा गरिएको थियो । फिल्ममा अभिनेत्री मलिका महतले लमजुङ जिल्लाको एउटा गाउँकी युवती सतीदेवी अधिकारी नामक चरित्र निर्वाह गरेकी छिन् । छोरीको संघर्षको कथामा निर्माण भएको यो फिल्ममा समाजको पितृसत्तात्मक सोचविरुद्धको संर्घषलाई चित्रण गरिएको छ ।

यो फिल्ममा मलिकासंगै रमेश बुढाथोकी, भोलाराज सापकोटा, कुलदीप अधिकारी, सन्दीप बाबु लोहनी, सिर्जना अधिकारी, मनीषा सापकोटा, सुजिता शिवाकोटी, तुलसी श्रेष्ठ, ईश्वरी सिंह, सन्देश लिम्बु, पवन केसी, जगदीश अधिकारीलगायत कलाकारले अभिनय गरेका छन् । दिलाशा क्रियसन र गोल्डेन स्टेट मुभी मेकर्स एलएलसी क्यालिफोर्नियाको सहकार्यमा निर्माण भएको यो फिल्ममा निर्देशक सुवेदीकै पटकथा र संवाद छ । दिलासा र साराको प्रस्तुति रहेको फिल्मको निर्मातामा श्रीदेवी, दिलासा र सारा सुवेदी छन् ।

एसिड सर्भाइभरहरूको वास्तविक जीवनीमा आधारित ‘नमेटिने घाउ’ मा एसिड आक्रमणमा परेका ३३ जना पीडितहरूको कथालाई समेटिएको छ । यो फिल्ममा मुस्कान खातुन, प्राप्ति पौडेल, इभा गिरी, कमल देवकोटा, सन्दीप बाबु लोहनी, रचना गौतम, प्रभात पाल ठकुरी, आरती आचार्य, अखिल बजगाईं, अपेक्षा न्यौपाने, क्रान्ति शाह, वीरेन्द्र सिंह कुसुहा, लालना चिमोरिया, स्वस्तीमा कार्की, लिजा कोरानी, एलिसा गुरुङ, विशाल देवकोटा, आरजु अधिकारी ,आरजु लेखकका साथमा सुरवीर पण्डित, सुनिल कटुवाल आदि कलाकारले अभिनय गरेका छन् । ‘नमेटिने घाउ’ मा प्रधानमन्त्री केपी ओली, पूर्वप्रधानमन्त्री माधवकुमार नेपालसँगै सांसदद्वय देवेन्द्र पौडेल र ज्ञानेन्द्र शाहीले पनि अभिनय गरेका छन् । यो फिल्ममा शिवम अधिकारीको लेखन छ ।

सबैभन्दा ठूलो मल्टिप्लेक्स चेन क्युएफएक्सले आज शुक्रवार अर्थात प्रदर्शनको पहिलो दिन ‘सतीदेवी’ लाई २५ शो दिएको छ । क्यूएफएक्सले यो फिल्मलाई काठमाडौं उपत्यकामा १३ शो तथा बाहिर १२ शो दिएको छ भने ‘नमेटिने घाउ’ लाई काठमाडौंमा आठ तथा बाहिर १४ शो गरि कुल २२ शो दिएको छ । बिग मुभिजमा ‘सतीदेवी’ ले तीन शो पाएको छ भने ‘नमेटिने घाउ’ ले दुई शो पाएको छ ।

आइएनआईले ‘सतीदेवी’ लाई सात शो दिएको छ भने ‘नमेटिने घाउ’ ले तीन शो पाएको छ । वान सिनेमाजले दुवै फिल्मलाई तीन–तीन शो दिएको छ ।

काठमाडौं– यतिबेला नेपाली सांगीतिक क्षेत्रमा तीजमय भएको छ । अधिकांश लोक शैलिका गायक तथा गायिकाहरु अहिले तीज गीत–संगीतमार्फत दर्शक तथा स्रोतामाझ आइरहेका छन् । अधिकांश तीज गीतहरुमा गायिकालाई गायकहरुले पनि साथ दिएका छन् ।

यसरी सार्वजनिक भैरहेका अधिकांश तीज गीतहरु नृत्यपरक छन्, छमछमि नाच्ने शैलीका छन् ।यसैबीच, लोकप्रिय गायक तथा संगीतकार कन्हैया सिंह परियारले पनि आफ्नो नृत्यपरक गीतको नयाँ म्युजिक भिडियो सार्वजनिक गरेका छन् । आइतवार आफ्नै युट्युब च्यानलबाट सार्वजनिक भएको ‘वा रे वा‘’ बोलको गायक सिंहको गीतको भिडियो आकर्षक बनेको छ । तर गायक तथा संगीतकार कन्हैया सिंह परियारको उक्त गीत भने तीजको गीत नभई लोकपप शैलिमा निर्माण गरिएको हो ।

गीतकार डिआर राईको शब्द तथा चर्चित संगीतकार सन्तोष श्रेष्ठको संगीत निर्देशनको यो गीतमा आमोस तामाङको संगीत संयोजन रहेको छ । कीर्तिपुरका विभिन्न रमणीय स्थानमा छायांकन गरिएको उक्त गीतको म्युजिक भिडियोमा सञ्जीव तामाङले कोरियोग्राफी तथा निर्देशन गरेका छन् ।

भिडियोमा अपेक्षा सिंह तथा सञ्जिव तामाङले फिचर्ड छन् । उनीहरुले गीतको भाव अनुसार आकर्षक अभिनयका साथै सुन्दर नृत्य प्रस्तुत गरेका छन् । देव दोर्जे लामाद्वारा छायांकन गरिएको यो भिडियोलाई जोन राईले सम्पादन गरेका छन्  ।

काठमाण्डौ – चेलीत्रबेटी बेचबिखन तथा बलात्कार जस्तो जघन्य अपराधलाई निरुत्साहित गर्नका लागि जनचेतना मुलक गीत आएको छ दुख्यो आमा ऐया ऐया ।

सामाजिक जागरण एवम् अपराधलाई निरुत्साहित बनाउदै गीतका मार्फत सचेतना जगाउन यस खाले गीत निर्माण गरिएको बताइएको छ । गीतलाई अहिलेकी जल्दीबल्दी गायिका बेनिशा पौडेलले गाएकी छिन् भने दीपक शर्माको सङ्गीत रहेको छ । शब्द दीपिका भट्ट्ले लेखेकी हुन भने मिक्सिङ, मास्टरिङ्ग एबम् एरेन्ज भने देबेश राइले गरेका हुन ।

उक्त गीतको भिडियोको छायाँकन रामशरण उप्रेतीले गरेका हुन भने सम्पादन नहकुल खड्काको रहेको छ । भिडियोमा दीपिका भट्ट, गीता अधिकारी, सरु दाहाल, रेस्मा श्रेष्ठ, दीपक कोइराला, आरुश भण्डारी,सन्जु खत्री लगायतका कलाकारअले अभिनय गरेका छन ।

दीपिका इन्टरटेन्टमेन्ट यु ट्युब च्यानल बाट रिलिज गरिएको गीतको शब्द निर्देशन एवम अभिनय दीपिका भट्टकै रहेको छ । दुख्यो आमा ऐया ऐया बोलको यो गीतले सामाजिक जागरण ल्याउन मद्दत पुग्ने निर्देशक दीपिका भट्ट बताउछीन् ।