Sunday 5th February 2023

    एनआरएनए सचिव न्यौपाने सोसियल अवार्डद्वारा मलेसियामा सम्मानित    रोहित दंगालले गरे आफ्नो जन्म दिनको अवसरमा श्री प्राणनाथ माइती वृद्ध आश्रमलाई खाद्यान्न सहयोग    जनस्वास्थ्यसँग सरोकारित आयोडिनयुक्त नुनको पहुँच बिस्तारमा साल्ट ट्रेडिङ कर्पोरेशन लिमिटेडले भूमिका प्रभावकारी: राष्ट्रिय उपभोक्ता मंच अध्यक्ष    एक दुई वटा सहकारीमा समस्य आयो भन्दैमा सबै सहकारीलाई नराम्रो भन्न मिल्दैन : शान्तमणी रिजाल    गीतसंगीत कै शिलशिलामा देश तथा बिदेशी हिडिरहेको छु – लोकप्रिय गायक हरि कर्माचार्य

भुटानमा कोभिड-१९ को पहिलो संक्रमण

Friday, March 6, 2020 National Power

थिम्पु — भुटानमा पनि कोरोना भाइरस (कोभिड–१९) को संक्रमण देखिएको छ । भुटानको स्वास्थ्य मन्त्रालयले भुटानमा रहेका एक अमेरिकी नागरिकमा बिहीबार कोभिड–१९ संक्रमण भेटिएको जानकारी दिएको छ । भुटान भ्रमणमा आएका ७६ वर्षीय अमेरिकी नागरिकमा भाइरसको संक्रमण देखिएको द भुटनिजले जनाएको छ। उनी ड्रुक एयरमार्फत भारतको गुवाहटी हुँदै भुटानको पारो विमानस्थलमा मार्च २ मा ओर्लिएका थिए।

ती व्यक्ति फेब्रुअरी २१ मा भारत भ्रमणमा आएको र त्यसपछि भुटान आएका थिए। उनी फेब्रुअरी १८ मै अमेरिकाको वासिङ्टनबाट यात्रा सुरु गरेका थिए। उनीसँग उनको ५९ वर्षीया साथी पनि रहेको भुटानी अधिकारीहरुले जानकारी दिएका छन्। विमानस्थलमा चेक गर्दा सामान्य ज्वरो मात्रै देखिएको बताइए पनि पछि थिम्पुको एउटा अस्पतालमा चेक गर्दा उनमा कोभिड–१९ संक्रमण देखिएको हो।

डिसेम्बरमा चीनको वुहानबाट सुरु भएको कोभिड–१९ ले विश्वका ८० भन्दा बढी देशमा फैलिइसकेको छ। यसको संक्रमणबाट ३ हजारभन्दा बढीको मृत्यु भइसकेको छ भने ९८ हजारभन्दा बढी संक्रमित भइसकेका छन्।