इजरायलका नेकपाको चियापान कार्यक्रम, सबै नेपालीलाई सहभागी हुन आग्रह

२० कार्तिक ,काभ्रेपलान्चोक / अरबिन्द्र गौतम –  नेपाल कम्युनिष्ट पार्टी “प्रवास संगठन प्रवासी नेपाली एकता मंच इजरायल” ले इजरायलमा चियापान कार्यक्रम आयोजना गर्ने भएको छ ।सोमबारदेखि शुरु भएको दिपावली, नेपाल सम्वत ११३५ तथा छठ पर्वको पावन अवसरमा शुभकामना आदान प्रदान चियापान तथा ऐतिहासिक स्थल जेरुसेलम भ्रमणको आयोजना गर्न लागेको हो ।

नेपालीहरुको महान पर्वको अवसरमा कार्यक्रम इजरायलमा प्रवास संगठन प्रवासी नेपाली एकता मंच इजरायल” ले गर्न लागेको हो । संगठनको महिला बिभागद्वारा आयोजना गर्न लागिएको कार्यक्रममा इजरायलमा रहनुभएका नेपालीहरुलाई
कार्यक्रममा सहभागिता जनाउन आग्रह गरेको छ ।

नेपाल कम्युनिष्ट पार्टीमा आस्था राख्ने तथा इजरायलवासी नेपाली दाजुभाई तथा दिदीबहिनीहरु, विभिन्न राजनैतिक संगठन, धार्मिक तथा सामाजिक संघ संस्था, बुद्धिजीवी, साहित्यकार, कलाकार, व्यवसायी तथा बिद्यार्थीहरुलाई उपस्थित हुन निमन्त्रणा गरिएको छ ।