Friday 18th June 2021

    कर्णालीका १० वटै जिल्ला अस्पतालका लागि प्रारम्भ र फाउण्डेशनको सहयोग    रत्न कुश रंजित र नवराज मानन्धरले गरे सालम चर्जलाई खाद्यान्न सहयोग    म जनता थिएँ जेल हाले, नरोत्तम नेता भएकाले माफी मागे पुग्यो : निर्देशक निरौला    म जनता थिएँ जेल हाले, नरोत्तम नेता भएकाले माफी मागे पुग्यो : निर्देशक निरौला    काभ्रेको पाँचखालमा उपकार सेवा नेपाल र अग्रवाल सेवा केन्द्रले गर्यो राहत वितरण

आईपीएलमा सन्दीपः सुरुवाती खेलमै अवसरका लागि योग्य थिए

Saturday, May 19, 2018 National Power


५ जेठ, काठमाडौं – सन्दीप लामिछानेले सावित गरेका छन् कि उनी सुरुवाति खेलहरुमा नै अवसर पाउन योग्य थिए । दिल्ली डेयरडेभिल्सले चेन्नाई सुपर किङ्गसमाथि ३४ रनको जित हात पार्दा सन्दीपले सुरेश रैना र महेन्द्र सिंह धोनीको साझेदारी तोडेका हुन् । उनले रैनाको विकेट लिए । डेब्यू खेलमा एक विकेट लिएर २५ रन दिएका उनले दोस्रो खेलमा अझ निखारिएको प्रदर्शन गरे । १४ औं ओभरको पहिलो बलमा उनले रैनाको विकेट लिए । रैनाले सन्दीपको फुललेन्थ गुगलीलाई सही जज गर्न सकेनन् र स्वायर लेगमा क्याच हुन पुगे ।

चार ओभर वलिङ गरेका उनले २१ रन दिए । र, दिल्लीको जितमा रैनाको विकेट महत्वपूर्ण रहृयो । १७ वर्षे सन्दीपको प्रदर्शन डेब्यू खेलमा पनि प्रभावशाली थियो । उनले रोयल च्यालेन्जर्स बैंग्लोरका विराट कोहली र एबी डिभिलियर्सविरुद्ध बलिङ गर्ने मौका पाएका थिए । यद्यपि त्यो खेलमा उनको टिमले हारेको थियो । आईपीएलमा अब दिल्लीको एक खेल बाँकी छ । खेल आइतबार हुने छ । सन्दीपले सुरुवाति ११ खेलमा मौका पाएका थिएनन् । जब दिल्ली समूह चरणबाटै बाहिरिने निश्चित भयो, त्यसपछि मात्र सन्दीपलाई मौका दिइएको थियो ।

तर, लगातार दुई ठूला टिमविरुद्धको प्रदर्शनले उनी यसअघि नै मौका पाउन योग्य थिए भन्ने देखाएको छ । अब दिल्लीको अन्तिम खेल मुम्बइविरुद्ध छ । यदि यो खेलमा पनि सन्दीपले खेलेमा सम्भवतः क्रिस गेलविरुद्ध बलिङ गर्ने अवसर जुर्नेछ । र, सन्दीपको प्रदर्शन यस्तै रहे टिमको प्रदर्शन जस्तो रहे पनि उनका लागि यो आईपीएल अविश्मरणीय हुनेछ । किनकी उनले क्रिकेटका हस्तीहरुविरुद्ध बलिङ गर्नेछन् ।