डेंगुको प्रकोपका कारण २ सय ५० को मृत्यु

६ साउन, – श्रीलंकामा ६ महिनायता फैलिएको डेंगुको प्रकोपका कारण २ सय ५० जनाको मृत्यु भएको छ ।

६ महिना यता फैलिएको डेंगुबाट करिब १ लाख मानिस संक्रमित भएको श्रीलंका सरकारले जनाएको छ । लामखुट्टेको टोकाइबाट सर्ने डेंगु रोक्नको लागि श्रीलंका सरकारलाई अष्ट्रेलियाले विश्व स्वास्थ्य संगठनको सहकार्यमा सहयोग गर्ने भएको छ ।

विश्व स्वास्थ्य संगठन मातहतको उक्त योजनाले श्रीलंकामा डेंगुको संक्रमण ४ देखि ६ हप्ताभित्रमा ५० प्रतिशतले घटाउने लक्ष्य राखेको छ । अष्ट्रेलियाली विदेशमन्त्री जुलि बिसप कोलम्बोमा भ्रमणका क्रममा रहेको बेला उक्त घोषणा गरिएको हो ।