Tuesday 18th February 2025

    चिठ्ठी’सहित ३० नेपाली चलचित्र नेपाल अफ्रिका अन्तर्राष्ट्रिय चलचित्र महोत्सव २०२५ मा प्रतिस्पर्धा गर्न चयन    धुलिखेलमा आउटडोर स्टुडियो निर्माण गर्ने योजना सार्वजनिक    बैरागी काइँला नागरिक अभिनन्दन ग्रन्थ लोकार्पण तथा प्रतिभा सम्मान र पुरस्कार अर्पण    माधव राज खरेलको शब्द र राजेन्द्र बजगाईको संगीतमा प्रमोद डिजीको नयाँ गीत    साँगे सम्मेलन २०८१ सम्पन्न

विभिन्न ठाउँमा आएको बाढीपहिरोमा परी मृत्यु हुनेको संख्या एक सय पुग्यो

Sunday, May 28, 2017 National Power

१४ जेठ, – श्रीलङकाको विभिन्न ठाउँमा आएको बाढी पहिरोमा परी मृत्यु हुनेहरुको सङ्ख्या १०० पुगेको सरकारी अधिकारीले जानकारी दिएका छन् ।

प्रकोप व्यवस्थापन मन्त्रालयले अहिलेसम्म पनि ९९ जना हराइरहेको र खोजी तथा उद्धारकार्य जारी रहेको जनाएको छ । गत बिहीबार आएको अविरल बर्षा पछिको बाढी पहिरोले अहिलेसम्म देशभरका विभिन्न ठाउँमा दुई लाखभन्दा बढी मानिसलाई असर पारेको छ ।

जलवायु विभागले दक्षिण पश्चिमी टापु क्षेत्रमा शनिबार पनि वर्षा र हावाहुरीसहितको खराब मौसम जारी रहने जनाएको छ ।
श्रीलङ्काको विदेश मन्त्रालयले पनि घटनास्थलमा आपत्कालिन उद्धार इकाइको तर्फबाट उद्धार तथा राहत व्यवस्थापनका लागि काम गरिरहेको छ ।

मन्त्रालयले पीडितलाई उद्धार तथा राहतका लागि सहयोग गर्न संयुक्त राष्ट्रसङ्घीय निकाय र छिमेकी मुलुकलाई पनि आग्रह गरेको छ भने  विषेश गरेर घटनास्थलमा खोजी तथा उद्धारका लागि सहयोग गर्न आह्वान गरिएको विदेश मन्त्रालयले जनाएको छ ।
– सिन्ह्वा