अफगानिस्तानका चेकपोस्टहरूमा आक्रमण गर्दा २० अफगान सैनिकको मृत्यु

८  जेठ  – सशस्त्र जत्थाले दक्षिणी अफगानिस्तानका चेकपोस्टहरूमा आक्रमण गर्दा कम्तीमा २० जना अफगान सैनिकको मृत्यु भएको छ भने दर्जनौं घाइते भएका छन् ।
आइतबार बिहानै अफगानिस्तानको जाबुल प्रान्तमा पर्ने सो जोय जिल्लाका सैनिक चेक प्वाइन्टहरूमा तालिबान समूहको हतियारधारी जत्थाले एक्कासि आक्रमण गरेको उक्त प्रान्तका गभर्नर विसमिल्लाह अफघानमललाई उद्धृत गर्दै प्रेस टिभीले जनाएको छ ।
आक्रमणपछि तालिबानले आफ्नो वेबसाइटमार्फत उक्त घटनाको जिम्मेवारी लिएको छ । पछिल्ला दिनहरूमा अफगानिस्तानमा तालिबानको आक्रामक गतिविधिमा निकै वृद्धि भएको बताइन्छ ।