हवल्दारको नेतृत्वमा रहेका समूहले ६४ तोला सुन लुटे

२० चैत, काठमाडौं – प्रहरीकै नेतृत्वमा रहेको लुटेरा समुहले ६४ तोला सुन काठमाडौंको न्युरोडबाट लुटेका छन् । सोह्रखुट्टे प्रहरीमा कार्यरत हवल्दारको नेतृत्वमा रहेका समूहले ६४ तोला सुन लुटेको प्रहरीले जनाएको छ ।

हवल्दारको नेतृत्वमा रहेका ८ जनाको समुहले न्युरोडमा रहेको प्रेम रत्न शाक्यको घरमा रहेको पसलबाट ६४ तोला बराबरका सुनका गहना र १३ हजार रुपैयाँ लुटपाट गरेको अपराध महाशाखाका एसएसपी दिनेश अमात्यले जानकारी दिए ।अमात्यका अनुसार व्यापारीले आफ्नो ६४ तोला सुनका गरगहना र १३ हजार रुपैयाँ लुटिएको भन्दै निवेदन दिएका थिए । त्यसमध्ये सबै गरगहना र १२ हजार ९ सय ५० रुपैयाँसहित उनीहरुलाई पक्राउ गरिएको छ । आज दिउँसो पत्रकार सम्मेलन गरेर उनीहरुलाई सार्वजनिक गर्ने तयारी प्रहरीले गरेको छ ।