Wednesday 24th April 2024

    फान अवार्डको तेश्रो संस्करण असार तेश्रो साता हुदै    चौथो हिमालयन अन्तर्राष्ट्रिय अवार्ड २०८० का उत्कृष्ट पाँच सार्वजनिक    यूएईमा राष्ट्रिय लोक सांस्कृतिक संघको साँस्कृतिक कार्यक्रम भव्यरुपमा सम्पन्न    नेपालमै अब अन्तर्राष्ट्रियस्तरको जिम ट्रेनर प्रशिक्षण    मिष्टर एण्ड मिस नेशनलमा भिड्दै डा. आयुष्नोभा

३९ अर्ब ३६ करोड ७५ लाख १३ हजार बराबरको इन्धन नेपालमा आयात

Thursday, March 30, 2017 National Power

१६ चैत, पर्सा –  वीरगन्ज नाका भएर भारतबाट चालु आवको आठ महिनामा रु ३९ अर्ब ३६ करोड ७५ लाख १३ हजार बराबरको इन्धन नेपाल भित्रिएको छ ।

वीरगन्ज भन्सार कार्यालयका प्रमुख सेवन्तक पोखरेलले नेपालका लागि बरौनी र रक्सौल तेल डिपोबाट करिब छ लाख ५० हजार २११ किलोलिटर पेट्रोल, डिजेल, मट्टितेल र भारतको मथुरा, हल्दियालगायत स्थानबाट एक लाख १४ हजार एक सय १४ मेट्रिक टन खाना पकाउने ग्यास आयात भएको बताए ।

पोखरेलले सिमावर्ती भारतीय सहर रक्सौल, हल्दिया, बरौनी, मथुरालगायत स्थानबाट नेपालमा इन्धन आयात भएको र भारतबाट इन्धन आयात गर्दा रु नौ अर्ब ११ करोड २४ लाख १९ हजार राजस्व सङ्कलन भएको बताए। ।

फागुनमा वीरगन्ज नाकाबाट २० हजार ८५ किलोलिटर पेट्रोल, ५९ हजार ८२५ किलोलिटर डिजेल, ७८९ किलोलिटर मट्टीतेल र १४ हजार २५६ किलोलिटर हवाई इन्धन नेपाल भित्रिए छ भने यो महिनामा कार्यालयले रु एक अर्ब ३३ करोड एक लाख राजस्व सङ्कलन गरेको छ ।