नेपालगञ्जको घरबारी र धम्बोजी टोलबाट अवैध भारुसहित चार पक्राउ

३ चैत, काठमाडौं -आज नेपालगञ्जबाट प्रहरीले २० लाख स्रोत नखुलेको अबैध भारतीय रुपैयाँ र ७ लाख नेपाली रुपैयाँसहित चार जनालाई पक्राउ गरेको छ ।

नेपालगञ्जको घरबारी र धम्बोजी टोलबाट अवैध भारुसहित चार जनालाई भेरी अञ्चल कार्यालयबाट खटिएको बिशेष टोलीले गोप्य सूचनाको आधारमा नियन्त्रणमा लिएको हो ।

भेरी अञ्चल प्रहरीका एसएसपी महेश बिक्रम शाहले रकम खरिद गर्ने दुई र बिक्री गर्ने दुईजनालाई उक्त टोलीले नियन्त्रणमा लिएर अनुसन्धान गरिरहेको जानकारी दिए ।

१३ लाख बढी भारुसहित सन्तोष राय र ६ लाख बढीभारुसहित राजेश कुम्हार लाई फरक फरक ठाउँबाट नियन्त्रणमा प्रहरीले लिएको हो । पक्राउ परेका अन्य दुईको पहिचान सार्वजनिक भएको छैन ।