७ माघ भित्र तीनवटै चुनाव गर्ने प्रतिबद्धता:देउवा

२३ जेठ, काठमाडौं – मुलुकको ४० औं प्रधानमन्त्री चयनका लागि संसद बैठक सुरु भएको छ । बैठकमा अहिले प्रधानमन्त्रीका उमेदवार नेपाली कांग्रेसका सभापति शेरबहादुर देउवाले आफ्नो उमेदवारीको औचित्यबारे बोलिरहेका छन् ।
दोस्रो चरणको स्थानीय तहको निर्वाचन आफ्नो प्राथमिकता हुने र प्रदेश तथा संघीय (संसदीय)चुनाव पनि आगामी माघ ७ गतेभित्रै गराउने प्रतिबद्धता उनले व्यक्त गरेका छन् । संविधान संशोधन पनि आफ्नो प्राथमिकतामा पर्ने उनले बताए ।