Thursday 11th August 2022

    गायिका शोभा क्षेत्री को तिज गीत नाँचिदेउ पातली सार्वजनिक ( भिडियो सहित )    कतार प्रहरीको आकर्षक रोजगारी फेरि विवादमा, अवसर नगुमाऊन सरोकारवाला निकायलाई आग्रह    साङ्ला बालकुमारी मा.विको व्यवस्थापन समितिको अध्यक्षमा थापा चयन    श्रीमान भारतबाट फर्केको रात पत्नी र दुई नाबालकको शंकास्पद मृत्यु    विद्यालयको व्यवस्थापन समितिको अध्यक्षमा सानुकाजी थापा चयन 

निम अवार्ड २०२२ को उत्कृष्ट ५ को प्रमाण पत्र वितरण कार्यक्रम सम्पन्न

Tuesday, March 22, 2022 National Power

काठमाण्डौ – पावर ईनटरनेशल मिडिया नेपाल (पिम नेपाल) को आयोजनामा नेपालको पहिलो समावेशी म्युजिक अवार्ड राष्ट्रिय समावेशी अवार्ड (निम अवार्ड) को उत्कृष्टताको प्रमाण पत्र वितरण कार्यक्रम चैत्र ७ गते राष्ट्रिय नाचघर जमलमा सम्पन्न भएको छ ।

कुल ५१ वटा विधामा उत्कृष्टमा परेका स्रष्टा एवम् सर्जकहरुलाई राष्ट्रिय नाचघर जमलमा उत्कृष्टताको प्रमाण पत्र वितरण गरिएको हो । “नेपाली हुनुमा गर्व गरौं कला र संस्कृतिको जगेर्ना गरौं “भन्ने मुल नाराका साथ सुरु गरिएको निम अवार्डले नेपालमा बोलीने विभिन्न भाषाभाषीका कलाकारहरुलाई विशेष प्रथमिकताका साथ समेट्दै आईरहेको छ ।

वरिष्ठ चलचित्रकर्मी मोहन निरौलाको सभापतित्व एवम्  गोकर्णेश्वर नगरपालिका मेयर सन्तोष चालिसेको प्रमुख आतिथ्यतामा संचालन भएको कार्यक्रममा वरिष्ठ पत्रकार शान्तिप्रिय, भरत बम्जन, विजयरत्न तुलाधर, गायक तथा गीतकार कस्तुप पन्त, चर्चित लोकदोहोरी गायक कुलेन्द्र विश्वकर्मा, लोकेन्द्र शाही, रेनुका सुवेदी, मायालु लामा, दर्शनविर शाक्य, नेपाल चलचित्र कलाकार श्रमिक संगठनका उपाध्यक्ष ऋषि राज आचार्य,  प्राज्ञ एवं संगीतकार ज्योती प्रकाश, अभिनेता रोशन श्रेष्ठ, निर्देशक आदित्य बुढाथोकी, संगीतकार एरेन्जर राजेन्द्र बजगाई, गीतका एवं संगीतकार पुरुषोत्तम सानु,  सम्पादक विपिन भाट,कलाकार तुलसी प्रसाद श्रेष्ठ, नवराज थापा, रमेश अधिकारी , नम्रता खरेल (पौडेल), अजय स्याङ्तान, सिटिजन भ्वाईसका अध्यक्ष रिता थापा, नेपाल कल्चर फिल्म सेन्टरका अध्यक्ष सन्तोष सुवेदी, संचारकर्मी जिवन पराजुली, संगीत तथा चलचित्र उत्पादक संघका निर्मल राज ढकाल, युवा व्यवसायी केशव न्यौपाने, व्यवसायी खेम नारायण भुर्तेल, समाजसेवी सोमा खत्री, समाजसेवी राजु कार्की, अधिवक्ता रामजनक कटुवाल लगायतका व्यक्तित्वहरुको सहभागिता रहेको थियो ।

कार्यक्रममा बोल्दै मेयर चालिसेले लामो समय देखी राष्ट्रिय समावेशी म्युजिक अवार्ड (निम अवार्ड) संग गोकर्णेश्वर नगरपालिका सहकार्य गर्दै आईरहेको र आगामी दिनहरुमा पनि कला संस्कृतिको संरक्षणको लागि सदैव तत्पर रहने बताए ।

कार्यक्रममा स्वागत मन्तव्य राख्दै चलचित्र निर्देशक तथा निम अवार्ड समितिका अध्यक्ष माधव राज खरेलले लामो समय देखी नेपालमा बोली सम्पुर्ण भाषाभाषीका कलाकारहरुलाई प्रोत्साहन गर्दै कला संस्कृति बचाउ अभियानमा एउटा सानो इट्टा थप्ने कोशीस निम अवार्डले गरिरहेको बताउदै यो अभियान निजि क्षेत्रबाट घरखेतै बेचेरै सम्भव नभएको यसको संरक्षणको लागि राज्यपक्षबाट पनि केही राहत जरुरी रहेकोले यसको लागि आ–आफ्नो क्षेत्रका जनप्रतिनिधीहरुलाई दवाव दिन पनि सम्पुर्ण कलाकार्मीहरुसंग अनुरोध गरेका थिए ।

बरिष्ठ चलचित्र निर्देशक मोहन निरौलाको सभापतित्वमा सम्पन्न भएको निम अवार्डमा उत्कृष्ट पाँचको मनोनयन कार्यक्रमको संचालन गायक तथा संगीतकार सरोज कोईरालाले गरेका थिए । निम अवार्डको ग्राण्ड फिनाली यहि चैत्र २० गते आइतवार सम्पन्न गरिने आयोजक पक्षले बताएको छ  ।

कार्यक्रम माधव राज खरेलको अध्यक्षतामा कमला जोशी, राजन थापा, संजीत भण्डारी, श्रीदेव भट्टराई, गीता अधिकारी, पुर्ण राई, सुर्य चन्द, सामना शाह, गोकर्ण लामिछाने, हिरामणि भुषाल, गोपाल ढकाल, बद्रि थापा, राजन खरेल, डेभिल सिंह राजपुत, गीता सिंह, दक्ष टेकराज पाण्डे, राजु सिग्देलल लगायतको टिमले आयोजना गरेको हो । काष्टमण्डप टेलिभिजन, थारु टेलिभिजन, जी टिभी नेपालले कार्यक्रमलाई प्रत्यक्ष प्रशारण गर्ने भएका छन् ।