Thursday 18th July 2024

    University of Wolverhampton Visit in Nepal    चलचित्र कलाकार संघ र महर्षि वैदिक फाउण्डेसनको ध्यान एवं योगासनको अभ्यास कार्यक्रम सम्पन्न    Writers Corner Nepal welcomed the esteemed Indian poet Dr. Bhawani Shankar    नेपाली कांग्रेस जन सम्पर्क समिति अल कासिमको सभापतिमा टिकाराम तामाङ चयन    Esteemed Indian poet Nil including 16 Nepali poets recited the poem

इन्दिरा गान्धीको बायोपिकका लागि कंगनाले सुरु गरिन् तयारी

Tuesday, July 6, 2021 National Power

बलिउडमा आफ्नो अभिनय र विवादित बयानका कारण चर्चामा रहेकी नायिका कंगना रनावत एकपछि अर्को बायोपिक चलचित्रमा काम गरिरहेकी छिन् । उनले, जयललिताको बायोपिकमा काम गरिसकेकी छिन् । यो चलचित्र प्रदर्शनका लागि तयारी अवस्थामा छ ।

यसैविच, कंगनाले इन्दिरा गान्धीको बायोपिकका लागि पनि तयारी सुरु गरेकी छिन् । कंगनाले सामाजिक संजालमा भिडियो र तस्वीर सार्वजनिक गर्दै प्रास्थेटिकका लागि तयार भैरहेको उल्लेख गरेकी छिन् । यो चलचित्रलाई सई कविरले निर्देशन गर्दैछिन् ।

कंगनाले तस्वीर सार्वजनिक गर्दै आफ्ना लागि हरेक नयाँ भूमिका नयाँ यात्राको सुन्दर सुरुवात भएको उल्लेख गरेकी छिन् । उनले, चलचित्रका लागि शरीर र अनुहारको स्क्यान गरेको लेखेकी छिन् । उनले, कुनै पनि चर्चित व्यक्तिको बायोपिकमा काम गर्दा पर्दामा उसको चरित्र जिवन्त रुपमा उतार्न आवश्यक रहेको पनि लेखेकी छिन् ।

तमिलनाडुकी मुख्यमन्त्री जयललिताको बायोपिक ‘थलाइवी २३’ अप्रिल महिनामा रिलिजको तयारीमा थियो । तर, कोरोनाको दोश्रो लहरका कारण यो चलचित्रको प्रदर्शन मिति पोष्टपोन्ड भएको छ । कंगना चलचित्र ‘धाकड’मा पनि काम गर्ने तयारीमा छिन् । यस्तै, कंगना चलचित्र ‘तेजस’मा पनि काम गर्ने तयारीमा छिन् । बलिउडका निर्माता, निर्देशक तथा कलाकारसँग विवादमा रहेपनि कंगनालाई कामको अभाव भने छैन ।