Tuesday 3rd August 2021

    गीतकार खनालको मौलिक तीज गीत ‘छोरीको करिम’ सार्वजनिक    नेपाल चलचित्र तथा कलाकार श्रमिक संगठन (फावन नेपाल) को पाँचौ अधिवेशन नयाँ नेतृत्व चयन गर्दै सम्पन्न    तेश्रो नेपाल कल्चरल फिल्म फेष्टिवको मनोनयन सार्वजानिक    निर्मलालाई एक नारीको खुला पत्र : ‘नारी समाज फुटाउनेले समाज कसरी जोड्न सक्छ ?    विश्वभर फैलियो डेल्टा भेरियन्ट

फूलैफूलले सजिएको पशुपतिनाथ

Saturday, February 22, 2020 National Power

काठमाडौं –  महाशिवरात्रीको दिन पशुपतिनाथ भन्नासाथ धेरैको मानपटलमा दर्शनार्थीको भीड र गाँजा तानेर धुँवा उडाइरहेका नागा बाबाहरुको दृश्य आउँछ । तर यो पटक पशुपतिको दृश्य फरक छ । फूलैफूलले सजिएको पशुपति लोभलाग्दो देखिएको छ ।

पशुपतिनाथ मन्दिरको मुख्य प्रवेशद्वार नै फूलको बनाइएको छ, जसमा आकर्षक ढंगले ओमनम शिवाय देखिएको छ । शिवलिंगदेखि शिवको बहान साँढे समेत फूलैफूलले बनाइएको छ । मन्दिरको मूल गेटसमेत फूलले सजाइएको छ । आकर्षक तरिकाले सजाइएको फूललाई पृष्ठभूमिमा पारेर तस्वीर तथा सेल्फी खिच्नेहरुको भीड नै लागेको छ । पशुपति क्षेत्रलाई सजाइएका फूलहरु थाइल्याण्ड, अस्टेलिया तथा भारतको मुम्बईबाट ल्याइएको हो । र, यसमा झण्डै २ करोड रुपैयाँ खर्च भएको अनुमान छ ।

शिवरात्रीकै लागि भनेर भारतीय दर्शनार्थीहरुले आफ्नै खर्चमा फूल ल्याएर सजाइदिएको पशुपति विकास कोषका प्रशासकीय अधिकृत गौरीशंकर पराजुलीले जानकारी दिए । उनले भने, ‘यसबर्ष मन्दिर सजावटका लागि आएको २ करोडको फूल भारतबाट डोनेसनमा आएको हो । कोषले फूलका लागि एक रुपैयाँ पनि खर्च गरेको छैन ।’