Monday 17th June 2024

    ईनास मेरिल्याण्डले आयोजना गरेको बनभोज तथा भेटघाट कार्यक्रम    नेपाल चलचित्र कलाकार संघको विचार गोष्ठि भव्यरुपमा सम्पन्न    ३९ विधामा र ६२ अवार्ड प्रदान गर्दै ओप्सना म्युजिक अवार्ड २०२४ सम्पन्न    १२ औं नेपाल अफ्रिका फिल्म फेस्टिबलमा १० देशका २८ चलचित्र चयन    नेपालका ओझासहित विश्वभरबाट ३१ विश्व कविहरूलाई ‘पोएट अफ नेचर अवार्ड’

मापदण्ड नपुगेका ग्यास उद्योगमा सिलबन्दी

Sunday, January 7, 2018 National Power

२३ पुस, काठमाडौं – आवश्यक मापदण्ड पूरा नगरी सञ्चालनमा ल्याएको पाइएपछि गुणस्तर तथा नापतौल विभागले दुई ग्यास उद्योग सिल गरेको छ ।

विभागको अनुगमन टोलीले आइतवार धादिङको बैरेनीमा सञ्चालित नमस्ते ग्यास उद्योग प्रालि र धाक्रेको ओम ग्यास उद्योग प्रालिमा शिल गरेको विभागका केमिकल इन्जिनियर मनिष कर्णले जानकारी दिए ।

उनका अनुसार दुईवटै उद्योगलाई तीन दिनभित्र आवश्यक कागजात र लिखित जवाफसहित विभागमा उपस्थित हुन निर्देशन दिइएको छ ।

अनुगमनको क्रममा ओम ग्यास उद्योग प्रालिले एलपीजी सिलिण्डरको ‘टेर वेट’ परिक्षण नगरेको पाइएको थियो । हरेक १० वर्षमा सिलिण्डरको हाइड्रोस्टेटिक परिक्षण गर्नुपर्ने भए पनि त्यसो नगरी पुरानै सिलिण्डरमा नयाँ पेन्ट गरेर बजारमा पठाएको विभागले जनाएको छ ।

त्यस्तै, नमस्ते ग्यास उद्योग प्रालिले पनि भल्भ मर्मत नगरेको तथा गुणस्तर र तापतौलका मापदण्ड पूरा नगरेको पाइएको थियो ।

आइतबार नै विभागले धादिङकै सुगम ग्यास उद्योगमा पनि अनुगमन गरेको थियो ।

गुणस्तर तथा नापतौल विभागले पछिल्लो समय ग्यास उद्योगहरुको अनुगमन बढाएको छ । त्यसक्रममा आवश्यक मापदण्ड पूरा नगरी सञ्चालनमा आएको पाइएपछि विभागले गत शुक्रवार काभ्रेका सागर ग्यास, सूर्य ग्यास र चण्डी ग्यासका उद्योग बन्द गरेको थियो ।