युएइ र हङकङका कारण नेपालले इमर्जिङ कप खेल्न नपाउने

काठमाडौं -नेपाल एसीसी इमर्जिङ कप क्रिकेट खेल्न नपाउने भएको छ । एसीसीको बोर्ड बैठकले एकदिवसीय मान्यता प्राप्त देशलाई मात्र खेलाउने निर्णय गरेपछि नेपाल खेल्न नपाउने भएको छ

प्रतियोगितामा अव भारत, श्रीलंका, पाकिस्तान र बंगलादेशका यु २३ टिम र अफगानिस्तानको राष्ट्रिय टोलीबीच मात्र प्रतिस्पर्धा हुनेछ ।

सुरुमा चार टेष्ट नेशनसहित ८ देश खेल्ने तय भएको थियो ।

हङकङ र युएईले आन्तरिक सेड्युल बिग्रिएका कारण नाम फिर्ता लिए लिएका छन् ।  अब एसीसी इमर्जिङ कपमा पाँच टोलीको सहभागिता रहनेछ ।

विश्व क्रिकेट लिग च्याम्पियनसीप खेलिरहेको नेपालका लागि इमर्जिङ कप एउटा अवसर मानिएको  थियो ।  ।

एसियन क्रिकेट काउन्सिल (एसिसी) ले एसियाको एसोसिएट राष्ट्रको स्तर वृद्धि गर्न सन् २०१७ मा इमर्जिङ नेसन्स कप क्रिकेट प्रतियोगिता आयोजना गर्दै छ ।