श्रीदेवले पूर्वमा धुम मच्चाउने

८,फागुन, काठमाण्डौ– प्राय जसो महोत्सवमा नजाने नायक श्रीदेव भट्टराई अब पूर्वको झापामा हुने महोत्सवमा धुम मच्चाउन जाने भएका छन् ।

श्रीदेवले करिव ९ दिन कार्यक्रम सञ्चालन गर्नेछन । नेपालका प्राय जसो चर्चित व्यक्तिहरुको शो कार्यक्रममा प्रस्तुती रहनेछ । महोत्सवमा गायक शिव परियार, प्रमोद खरेल, कमल खत्री, हिमाल सागर, सुगम पोखरेल,गायिका मेलिना राई,हास्यकलाकार राजा राजेन्द्र लगायतका कलाकारहरुको बेजोड प्रस्तुति रहेनछ ।

झापा उद्योग वाणिज्य संघद्धारा आयोजना हुन गइरहेको महोत्सव फागुन १२ देखि २१ सम्म चल्नेछ । विशेष गरेर कृषि,पर्यटन,संस्कृतिलाई मुख्य आधार बनाएर गरिने महोत्सवमा मनोरञ्जन पनि भरपूर्ण हुनेछ ।कार्यक्रममा भारतीय दर्शकहरुको पनि उपस्थिति रहने हुने आयोजकले दावी गरेका छन् ।