३८८ मत प्राप्त गरी चौथो पटक देउवा प्रधानमन्त्री

२३ जेठ, काठमाडौँ – मुलुकको ४० औँ प्रधानमन्त्रीमा नेपाली काँग्रेसका सभापती शेर बहादुर देउवा निर्वाचित भएका छन् । आज व्यावस्थापिका संसदमा भएको प्रधानमन्त्रीको चुनावमा देउवाले अज उपस्थित कुल ५५८ मतको ३८८ प्राप्त गरी चौथो पटक र गणतन्त्र स्थापना भएपछिको १० औँ प्रधानमन्त्रीका रुपमा निर्वाचित भएका हुन् । प्रधानमन्त्रीमा एकल प्रतिष्पर्धी देउवा नेपाली काँग्रेसको संसदीय दलको नेता समेत हुन् ।

सुदुपश्चिपको डडेलधुरामा सामान्य परिवारका देउवा यस अघि २०५२, २०५८ र २०६१ मा गरी तीन पटक प्रधानमन्त्री भईसकेका छन् । राजनीतिक शास्त्रमा स्नाकोत्तर र मानवीय कानुनमा स्नातक गरेका छन् । प्रजातान्त्रिक आन्दोलनमा पटक पटक गरी देउवा ९ पटक जेल परेका छन् । अहिले सम्म भएका सबै निर्वाचनमा देउवा डडेलधुराबाट अपराजित रहेका छन् । २०४८, २०५१, २०५६, २०६४ र २०७० मा गरी पाँच पटक संसदीय चुनावमा निर्वाचित भएका छन् ।

देउवालाई संसदीय राजनीतिमा विकृति भित्र्याउने पात्रको रुपमा पनि लिइन्छ । पजेरो काण्ड, सुरासुन्दरी काण्ड, व्रिफेक काण्ड देउवासंग जोडिएका नकारात्मक पाटोहरु हुन् । साथै उनले २०५८ सालमा नेपाली काँग्रेस फुटाएर प्रजातान्त्रिक काँग्रेस बनाएका थिए भने २०६३ मा पार्टी एकिकरण भएको थियो । तत्कालिन राजा ज्ञानेन्द्र उनलाई दूइ पटकसम्म असक्षम भनी अपदस्थ् गरेका थिए