उत्तर कोरियाको एक सेटलाइटले पूरा अमेरिकालाई ध्वस्त पार्न सक्षम

४ बैशाख, एजेन्सी – आजकाल डोनल्ड ट्रम्पलाई उत्तर कोरियाको मिसाइल र परमाणु बमले सताइरहेको छ । तर अंतरिक्षमा प्योङ्याङको उपग्रहबाट विद्युतीय तरङ्गको एक प्रहारले पनि पूरा अमेरिकालाई ध्वस्त बनाइदिन सक्छ । अब अमेरिकी रक्षा विभाग यो खतरासँग जुघ्ने तयारी गरिरहेको छ ।

अमेरिकी रक्षा विशेषज्ञका अनुसार उत्तर कोरियासँग अमेरिकी पावर ग्रिडमा सेटलाइटबाट इलेक्ट्रोम्याग्नेटिक पल्स (इएमपी) हमला गर्ने ताकत छ । सिआईएका पूर्व निर्देशक जेम्स वुल्सीका अनुसार यस्तो प्रकारको एक्लो हमलाले अमेरिकाको इलेक्ट्रिक ग्रिड र अन्य बलिया ढाँचालाई वर्षभरीका लागि बेकर गर्न सक्छ । यसले पैदा हुने भुखमरी र अराजकतामा १० मध्ये ९ अमेरिकी मारिन्छन् ।’वुल्सीका अनुसार अमेरिकी सभ्यता र लाखौं मानिसहरुको ज्यान बचाउनका लागि अमेरिकाले यो आशंकासँग लड्ने उपाय खोज्नुपर्ने हुन्छ । अमेरिकी मिडिया अनुसार अमेरिकी रक्षा विभाग यो खतराबारे जानकार छ । पेन्टागनको प्राविधिक विभाग डिफेन्स एड्भान्स रिसर्च एजेन्सी (डिएआरपीए) यस्तो हमलासँग जुघ्नका लागि थुप्रै नयाँ प्रविधी विकास गर्न लागीपरेको छ । राष्ट्रपति ट्रम्पको बलियो ढाँचाको आधुनिकीकरणको एजेन्डा यो प्रविधिको विकासमा समावेश छ । डीएआरपीएले पावर कम्पनी बीएई सिस्टमबाट यस्तो ब्याकअप तयार गर्नका लागि बताएको छ जो इलेक्ट्रिक ग्रिड निष्क्रिय हुँदा पनि बिजुलीको आपूर्ती जारी हुन सकोस् । तर यो प्रविधीलाई व्यवहारमा परिणत गर्नका लागि सन् २०१० सम्मको समय लाग्नेछ ।

राष्ट्रपति ट्रम्पले सत्ता सम्हाल्नुभन्दा पहिले उत्तर कोरियाको हतियार कार्यक्रमसँग जुघ्ने उनको पहिलो प्राथमिकता हुने बताएका थिए । उनी ह्वाइट हाउसमा प्रवेश भएलगत्तै दुबै देशमा तनाव बढ्दो छ । ट्रम्प प्रशासनका अनुसार उत्तर कोरियाविरुद्ध लड्नका लागि सबै विकल्प खुल्ला छन् ।