Wednesday 10th August 2022

    विद्यालयको व्यवस्थापन समितिको अध्यक्षमा सानुकाजी थापा चयन     हेरिटेज ग्रुपको अधिराज्यव्यापी अधिकृत बिक्रेता कार्यगोष्ठी सम्पन्न    दोश्रो र तेश्रो संस्करणको जिनियस म्युजिक अवार्ड २०७८ सफलतापुर्वक सम्पन्न    संगीतकार योगेन्द्र उपाध्यायका तिनवटा गीति एल्बम एकसाथ बिमोचन    राष्ट्रिय युवा परिषद्ले भोलि प्रशिक्षण मुलक कार्यक्रम गर्दै

फुटबल खेलाडी चढेको बसलाई लक्षित गरी बम विस्फोट

Wednesday, April 12, 2017 National Power


३० चैत, – च्याम्पियन्स लिगको क्वाटरफाइनल खेल्नका लागि मैदानतर्फ गइरहेको बोरुसिया डर्टमण्ड फुटबल क्लबका खेलाडी चढेको बसलाई लक्षित गरी बम विस्फोट भएको छ। मंगलबार राति भएको विस्फोटमा डर्टमण्डका १ खेलाडी घाइते भएको प्रहरी अधिकारीलाई उद्धृत गर्दै बीबीसीले लेखेको छ। मोनाकोविरुद्ध खेल्न मैदानतर्फ जाँदै गरेका खेलाडी चढेको बसलाई लक्षित गरेर ३ विस्फोट गराइएको थियो। विस्फोटमा डर्टमण्डका डिफेन्डर मार्क बार्टाको हात भाँचिएको र उनको उपचार भइरहेको जनाइएको छ। अनुसन्धानमा संलग्न प्रहरी अधिकारीका अनुसार घटनास्थल नजिकै एउटा पर्चा भेटिएको छ। उक्त पर्चाबारे अनुसन्धान जारी छ। विस्फोटबाट खेलाडी चढेको बसका सिसा फुटेका छन्, टायरहरु पनि फाटेका छन्। हमलाका कारण डर्टमण्ड र मोनाकोबीचको खेल २४ घण्टाका लागि पछि सारिएको छ।
–एजेन्सी