रोल्पामा ट्याक्टर दुर्घटना हुँदा २ जनाको मृत्यु,९ जना घाइते

७ फागुन, काठमाडौं – रोल्पाको लुंग्रि गाउँपालिका -४ ठुलो नाम्जामा आज ट्याक्टर दुर्घटना हुँदा २ जनाको घटनास्थलमै मृत्यु भएको छ भने ९ जना घाइते भएका छन् । मृत्यु हुनेमा स्थानिय ४८ बर्षिय नरेन्द्र रोक्का र सोही स्थानका १२ बर्षिय दिपेन्द्र विष्ठ रहेका छन् ।

आज दिउँसो सवार ३ बजे लु २ त ७९३० नम्बरको ट्याक्टर अनियन्त्रित भइ सडकबाट ५० मिटर तल खस्दा दुर्घटना भएको हो । अन्य घाइतेहरुको स्वास्थ्य चौकी सुलीचौर रोल्पामा उपचार भइरहेको छ । चालक फरार रहेकाले खोजीकार्य भईरहेको जिल्ला प्रहरी कार्यालय रोल्पाले जनाएको छ ।