नेपालले भोलि आयोजक नामिबियाको सामना गर्दै

२४ माघ,काठमाण्डौ – भोलिदेखि नामिबियामा सुरू हुने आईसीसी विश्व क्रिकेट लिग डिभिजन टुमा सहभागी हुन नामिबिया पुगेको नेपाली क्रिकेट टिमले कडा अभ्यास गरिरहेको छ।

नामिबिया पुगेपछि नेपाली क्रिकेट टिमले सोमबार र मंगलबार जमेर अभ्यास गरेको नेपाली टिमका व्यवस्थापक रमन सिवाकोटीले जानकारी दिए । नेपाली टिमलाई मुख्य प्रशिक्षक जगत टमाटा र भारतीय प्रशिक्षक सुलक्षण कुलकर्नीले प्रशिक्षण गराईरहेका छन्। मंगलबार नेपाली टिमले वन्डरर्स क्रिकेट क्लब मैदानमा ब्याटिंङ तथा फिल्डिङको अभ्यास गर्‍यो।

प्रतियोगिताको पहिलो खेलमा नेपालले भोलि बिहिबार नेपाली समय अनुसा दिउँसो १: १५ बजे आयोजक नामिबियाको सामना गर्दैछ। दोस्रो खेल शुक्रबार ओमानसँग, तेस्रो खेल आइतबार युएईसँग, चौथो खेल सोमबार केन्यासँग तथा लिगको अन्तिम खेल बुधबार क्यानडासँग खेल्ने कार्यक्रम छ।

डिभिजन(२ को उत्कृष्ट(२ भित्र पर्नेसके नेपाल सन् २०१९ को विश्वकप छनोट प्रतियोगिता खेल्न पाउनेछ।