सामाजिक अभियन्ता सबिता उप्रेती युवा राष्ट्रिय प्रतिभा पुरस्कारबाट सम्मानित

३१ साउन, काठमाण्डौँ – अन्तर्राष्ट्रिय युवा दिवसको अवसरमा युवा तथा खेलकुद मन्त्रालयद्वारा आयोजित कार्यक्रममा सम्माननिय राष्ट्रपति बिधा देवी भन्डारी ज्युबाट नगद रु एक लाख सहित मानव सेवा र शिक्षा बिधामा युवा राष्ट्रिय प्रतिभा पुरस्कारबाट सबिता उप्रेती सम्मानित भएकी छिन । उप्रेती नेपाली समाजका एउटा आशलाग्दो किरण पनि हुन । जसले अटिजम कुनै रोग होइन, माया ममता र स्पर्शमुखी शिक्षा पाए अटिजम भएका वालबालिकाले पनि केही गर्न सक्छन् भन्ने देखाउने अभियान चलाइरहेकी छिन् । उनले एक दुर्इ तीन हुदै ४५ जना अटिजम बालबालिकाको आमा बनेर सामाजिक दायित्व वहन गरिरहेकी सबिता उप्रेती नेपाली युवा पुस्ता, नेपाली महिला र नेपाली समाजको पहिचान हुन् भन्दा फरक नपर्ला । आफ्नो स्वार्थभन्दा माथि उठेर अटिजम बालबालिकाको लागि गन्तव्य यात्रा बोकेर अगाडी बढिरहेकी एक युवा महिला समाजसेवी हातलाई राष्ट्र प्रमुखबाट नै सम्मान र कदर गरिएको छ । अन्तराष्ट्रिय युवा दिवश २०१७ को अवसरमा राष्ट्रपति बिद्यादेवी भण्डारीबाट सम्मानित अटिजम सामाजिक अभियन्ता सबिता उप्रेतीलाई नेशनल पावर न्युजको तर्फबाट हार्दिक बधाई दिन चाहन्छौं । साथै आगामी दिनहरुमा अझ ससक्त रुपमा अटिजम अभियानमा लाग्ने सफलता र सबै नेपालीहरुको साथ सहयोग मिलोस् भन्ने शुभेच्छाको कामना गर्दछौं ।