आज संसद बैठक बस्दै

१२ जेठ, काठमाण्डौ – व्यबस्थापिका संसद बैठक सूचारु गर्ने विषयमा प्रमुख दलबीच प्रयास जारी छ । प्रमुख प्रतिपक्षी नेकपा एमालेले बिभिन्न माग गर्दै केहि दिनयता संसद बैठक अबरुद्ध गर्दै आएपछि प्रमुख दल संसद सञ्चालनका लागि प्रयासरत रहेका हुन् ।व्यवस्थापिका संसदको बैठक आज अपरान्ह १ बजेका लागि बोलाइएको छ । स्थानीय तहको संख्या हेरफेर गर्दा निर्वाचन नहुने संभावना बढेको भन्दै एमालेले संसदमा अवरोध गर्दै आएको छ ।

एमालेले स्थानीय तह संख्या हेरफेरको निर्णय र प्रधानन्यायाधिसको महाअभियोग प्रस्ताव फिर्ता तथा निर्वाचनका क्रममा भएका घटनाको छानविन माग गर्दै आएको छ ।विहीवार राष्ट्रपतिले नीति तथा कार्यक्रम वाचन गरेलगत्तै एमाले सांसदले संसदमा बिरोध जनाएपछि बैठक आज दिउँसो सम्मका लागि स्थगित भएको थियो । बैठकको कार्यसुचीमा नीति तथा कार्यक्रम माथिको छलफल राखिएको छ ।