आजबाट कैलालीका शैक्षिक संस्थामा पठनपाठन सुरु

२८ वैशाख,कैलाली – लगातार शैक्षिक आमहडतालको मारमा परेका कैलाली जिल्लाका सम्पूर्ण शैक्षिक संस्थामा आजबाट पठनपाठन सुरु भएको छ ।

बुधबार दिनभर प्याब्सन, एनप्याब्सनका पदाधिकारी र विप्लप माओवादी निकट अखिल क्रान्तिकारीबीच भएको छलफलपछि आजबाट विद्यालय खोल्ने सहमति भएको अखिल क्रान्तिकारी कैलालीका उपाध्यक्ष झलक विकले जानकारी दिए । उनले पक्राउ परेका आफ्ना विद्यार्थी नेतालाई प्रहरीले नछोडेपनि लगातार विद्यालय बन्द गर्दा विद्यार्थीहरुमा नकारात्मक असर परेकाले शैक्षिक हडताल स्थगन गरेको बताए ।
प्याब्सन कैलालीका अध्यक्ष डिल्लीराज रेग्मीले शिक्षाको विषयलाई लिएर प्रहरीले जिल्ला सह सचिव रमेश साउद विरुद्ध सार्वजनिक मुद्दा नचलाइएकाले विद्यालय बन्द नगराउन र शैक्षिक आम हडताल फिर्ता लिन आग्रह आग्रह गरेका थिए, त्यसपछि अखिल क्रान्तिकारीले भने आन्दोलन फिर्ता नलिई स्थगन गर्न तयार भएको हो ।
जिल्ला सह सचिव रमेश साउँद भने निर्वाचन विरोधी गतिबिधि गरेको आरोपमा पक्राउ परेका बताइएको छ ।
शुल्क बृद्धि विरुद्ध संयुक्त विद्यार्थीको आन्दोलनका क्रममा भएको तोडफोड र प्याब्सन कैलालीका पुर्व अध्यक्ष च्ऋ यादवलाई कालो मसो दल्नमा संलग्न रहेको भन्दै सह सचिव साउद विरुद्ध मुद्दा चलाइएकाले अखिल क्रान्तिकारीले कैलाली जिल्लाका शैक्षिक निजी संस्थाहरुमा अनिश्चितकालीन शैक्षिक आमहडताल गरेको थियो ।