नौ वटा पार्टीहरूबीच आज एकता घोषणा हुने

काठमाडौं- नेकपा माओवादी केन्द्र र नेकपा एकीकृत समाजवादीसहितका नौ वटा पार्टीहरूबीच आज एकता घोषणा हुने भएको छ । माओवादी केन्द्रका नेता अग्नि सापकोटाले एकताका लागि यसअघि सहमति पत्रमा हस्ताक्षर गरेका पार्टीबीच काठमाडौँको भृकुटीमण्डपमा आज एकता घोषणा हुने बताउनुभयो ।

एकीकृत पार्टीको नाम नेपाली कम्युनिस्ट पार्टी रहने बताइएको छ । पार्टीको चुनाव चिह्न पाँच कुने तारा राख्ने दलहरूबीच सहमति भएको छ । यसअघि हिजो नेकपा माओवादी केन्द्रको महाधिवेशन आयोजक समितिले पार्टी एकतासम्बन्धी प्रस्ताव पारित गरेको थियो ।

यद्यपि यो एकताको विरोध गर्दै माओवादी केन्द्रका नेता जनार्दन शर्मा समूहले छुट्टै अभियान घोषणा गरिसक्नुभएको छ । उता एकीकृत समाजवादीका सम्मानित नेता झलनाथ खनाल, महासचिव घनश्याम भुसालल, रामकुमारी झाक्री लगायत पनि एकता प्रक्रियामा सामेल नहुने भएका छन् ।