कलाकारद्धय सानु र सारुक ताम्राकारको बार्षिक पुण्यतिथिमा कलाकार संघको सम्झना

काठमाण्डौ – कलाकारद्धय सानु ताम्राकार र सारुक ताम्राकारको बार्षिक पुण्यतिथिमा ताम्रकार परिवारसंगको सहकार्यमा नेपाल चलचित्र कलाकार संघले राजधानीमा एक कार्यक्रमको आयोजना गरि सम्झिएका छन् । सारुक ताम्राकारको अल्पायुमै निधन भएपछि त्यसको पीडाले थलिएका सानु अस्पतालमा उपचारकै क्रममा गत भाद्र ९ गते निधन भएको थियो । बार्षिक पुण्यतिथिमा बोल्दै संघका अध्यक्ष मोहन निरौलाले सानु ताम्राकारको निधनले कलाकारिता क्षेत्रले मात्र नभएर संघले नै एक अविभावक गुमाएको सुनाए ।

यता चलचित्र क्षेत्रका भिष्मपितामह नीर शाहले सानु ताम्राकारको अभाव सदैव चलचित्र क्षेत्रमा रहने भन्दै नेपाली चलचित्र र कलालाई विश्वबजारमा पुर्याउँन महत्वपुर्ण भुमिका खेल्नु भएको बताउनु भयो । कलाकार रमेश बुढाथोकीले ताम्राकार परिवारसंग पारिवारिक सम्बन्ध रहेको भन्दै एक असल मित्र र कलाकार गुमाउदाको पीडा सुनाउन नसकिने बताए । उनले अगाडी भने सारुक एक अब्बल कलाकार थिए । जलाई अन्तराष्ट्रिय स्तारमा समेत प्रसिद्धी चुलिदै थियो । तर विडम्वना‘ अब सारुक हामीसंग रहेनन् ।

कलाकारसंघका निवर्तमान अध्यक्ष तथा कलाकार रविन्द्र खड्का र दीपाश्री निरौलाले नेपाली चलचित्र क्षेत्रका एक नक्षत्र गुमाएको पीडालाई सदासदैव अमर रहने कर्म गर्न संघ तथा परिवारजनमा आग्रह गरे । पुण्यतिथिका अवसरमा सानु र सारुकको बिषयमा तयार पारिएको वृतचित्र समेत देखाइएको थियो । जुन भिडियो ओएस आर डिजिटल युटुव च्यानलमा मार्फत हेर्न सक्नु हुनेछ । वृतचित्रको निर्माण रुकमणी ताम्राकार र राजिव गुरुङले गरेका हुन् भने कन्सेप्टर सम्पादन निशा मानन्धर, को अर्डिनेटरर प्रोडक्सन हेड कुसुम श्रेष्ठ, को अर्डिनेटर शान्ति तामाङ, मेकअप सोनाली सिल्पकार रहेका छन् ।