आठ घण्टाको सोधपुछमा स्पष्ट जवाफ भेटिएन, रियासँग इडीले पुनः गर्नेछ केरकार

काठमाडौं – सुशान्त सिंह राजपूतको केसमा रिया चक्रवर्तीको मुश्किल बढिरहेको देख्न सकिन्छ । सुशान्त सिंह राजपूतको अकाउन्टबारे अनुसन्धान गर्दै प्रवर्तन निर्देशनालय ९ईडी० ले शुक्रबार रिया चक्रवर्तीसँग ८ घण्टा सोधपुछ गरेको थियो । यो दौरानमा रियाले इडीका केही प्रश्नको स्पष्ट जवाफ नदिएको बताइएको छ । खबरका अनुसार इडीले एकपटक पुनः रियासँग सोधपुछ गरेर अन्य जानकारी हासिल गर्ने प्रयास गर्ने बताइएको छ ।

रिपोर्टका अनुसार रिया चक्रवर्तीसँग सोधपुछका लागि इडीले अर्को एउटा समन जारी गरेको छ । इडीले रियालाई सोधपुछका लागि सोमबार पुनः उपस्थित हुन भनेको छ । स्मरण रहोस्, शुक्रबार रियालाई लामो सोधपुछपछि शनिबार उनका भाइ शौविक चक्रवर्तीसँग लगभग १८ घण्टा सोधपुछ गरिएको थियो । अब सोमबार पुनः रियासँग सोधपुछ गरिने भनिएको छ । सोमबार पनि रियासँग उनको सम्पत्ति र आम्दानीसँग जोडिएका प्रश्नको जवाफ सोध्ने अनुमान गरिएको छ ।

इडीले आफ्नो अनुसन्धानमा रिया चक्रवर्तीसँग मुम्बईको खार ईस्ट र नवौं मुम्बईमा समेत फ्ल्याट छ । त्यसपछि इडीले रियासँग यी सम्पत्तिबारे जानकारीसहित उनको पछिल्लो पाँच वर्षको इनकम ट्याक्सको माग पनि गरेको छ । स्मरण रहोस्, सुशान्त सिंह राजपूतका परिवारले रिया र उनको परिवारले सुशान्तको खाताबाट १५ करोड भारु निकालेको आरोप लगाएका छन् । त्यसपछि नै इडीले यसबारे आफ्नो अनुसन्धान सुरु गरेको हो ।