गाडी दुर्घटना हुदा सहचालकको मृत्यु

१७ चैत्र, इलाम – इलामको मेची राजमार्गअन्तर्गत गोदक सडक खण्डमा बुधबार भएको सवारी दुर्घटनामा सहचालकको मृत्यु भएको जिल्ला प्रहरी कार्यालय इलामले जनाएको छ।

राजमार्गमा गुडिरहेको गाडी एक्कासी भित्तामा ठोक्किएर भएको दुर्घटनामा सहचालक २० वर्षीय रञ्जित सुब्बाको मृत्यु भएको हो। काठमाडौँबाट उत्तरपुस्तिका लिएर जिल्ला शिक्षा कार्यालय इलाममा जाँदै गरेको ना १ क ४००९ नंको मिनीट्रक दुर्घटना भएको र घटनाबारे थप अनुसन्धान भइरहेको प्रहरीले जनाएको छ।