हिमालय ब्रुअरी नामको रक्सी कम्पनीमा ११ वर्षिया वालकको करेन्ट लागेर मृत्यू ।

ललितपुर – आज विहान १२ः३० बजे ललितपुरको गोदावरीमा रक्सी फ्याक्ट्रीमा करेन्ट लागेर एक वालकको मृत्युभएको छ भने एक बालक घाईते भएका छन् ।
ख्रिष्टियन एकेडेमी गोदावरीमा कक्षा ६ मा अध्ययनरत ११ वर्षिया साईमन पोखरेलको रक्सी फ्याक्ट्री भित्र करेन्ट लागेर मृत्यू भएको बताईएको छ । पोखरेलको गोदावरी, महचौरमा रहेको हिमालयन बु्रअरी नामक रक्सी कम्पनीको कम्पाउण्ड भित्र करेन्ट लाग्दा ज्यान गएको हो । उक्त घटनामा १२ वर्षिया यनस राई घाईते भएका छन् भने हाल उनको उपचार भैरहेको वाँडेगाउँ प्रहरीले नेशनल पावर न्यूजलाई जानकारी गराएको छ ।

वाँडेगाउँ प्रहरी कार्यालयका असई अनिल चौधरीका अनुसार साईमन र उनका साथी यनस कम्पनी संगैको रुखवाट कम्पनीको छतमा जाने क्रममा उक्त दुर्घटना भएको हो ।
मृतक साईमन पोखरेलको शवलाई यतिवेला पाटन अस्पताल लगनखेलमा राखिएको छ । हिमालय ब्रुअरी नामक कम्पनीमा कार्यरत कर्मचारी एवं कम्पनी व्यवस्थापनका कारणले वालकको मृत्युभएको स्थानीय वासीन्दाले बताएका छन् ।
मृतक वालकका पिता श्याम कृष्ण पोखरेलका अनुसार कम्पनीको लापर्वाहीलेनै आफ्नो छोराको मृत्यु भएको बताएका छन् । हिमालय ब्रुअरी नामक रक्सी कम्पनीको व्यवस्थापकले आफ्नो कम्पनीको व्यवस्थापन र सुरक्षामा ध्यान नपुर्याएको हुँदा एवं कम्पनीको चरम लापरवाहीका कारणले नै ती वालकको मृत्यु भएको स्थानीयका दावी छ ।

मृतकको आफन्त एवं परिवारले कम्पनीको सुरक्षा एवं व्यवस्थापनमा सजगता नअपनाउने कर्मचारी एवं व्यवस्थापकलाई हदै सम्मको कार्वाही र मृतकका परिवारलाई उचित क्षतिपुर्तिको माग समेत राखेका छन् ।