नेपालको इतिहासमा कालरात्रिका रूपमा चर्चित दरबार हत्याकाण्ड भएको १८ वर्ष पुरा

काठमाण्डौ -नेपालको इतिहासमा कालरात्रिका रूपमा चर्चित दरबार हत्याकाण्ड भएको १८ वर्ष पुगेको छ । २०५८ जेठ १९ गते शुक्रबारका दिन तत्कालीन तत्कालिन राजा विरेन्द्र सहित राज परिवारका १० जनाको विभत्स हत्याभएको थियो । तत्कालिन प्रध्यानन्यायाधीशको संयोजकत्वमा सभामुख समेत रहेको उच्चस्तरिय छानबीन समितिको प्रतिवेदनले घटनाको विवरणमात्र प्रस्तुत गरेको थियो ।

तत्कालिन सभामुख तारानाथ रानाभाटले प्रतिवेदन सार्वजनिक गर्दा गरेको फितलो प्रस्तुतिका कारण सो प्रतिवेदन आफैं हास्यास्पद बनेको थियो । राजा वीरेन्द्रको वंशनाश हुनेगरी भएको सो हत्याकाण्डको सम्झना गर्दा अहिले पनि जनता शोकमग्न हुन्छन् ।

छानबिन समितिले उक्त हत्याकाण्ड युवराज दीपेन्द्रले नशाको सुरमा घटाएको प्रतिबेदन तयार गरेपनि आम सर्वसाधारणहरुले भने दिपेन्द्रले आफ्नै बाबु आमा, बहिनी र भाइ माथि गोली चलाए भन्नेमा बिश्वास गरेका छैनन । वीरेन्द्रको वंशनास भएपछि केही बर्ष ज्ञानेन्द्र शाहले राज्य चलाएका थिए । त्यस पछि राजनीतिले नयाँ मोड लिएको थियो ।

पटक पटक नयां परिवर्तन भयो तर राजा र राज्य संग जोडिएको हरेक घटना परिघटनाहरुलाई नयां सरकारले व्यवास्ता गरेको छ । राजदरवार हत्याकाण्डवारे सत्य तथ्य घटना के हुन सक्छ आम जनातामाझ यो विषय सधै कौतुहलताको विषय बन्दै गएको छ ।