आदित्यको माया गर्ने मान्छे

८ , फागुन / बनेपा – काभ्रेपलान्चोक माया गर्ने मायालु जोडीहरुलाई लक्षित गरी आदित्य बुढाथोकीद्वारा निर्देशित प्रेम कथामा आधारित म्युजिक भिडियो ‘माया गर्ने मान्छे बजारमा आएको छ ।

गायिका जुनु गौतमको सुमधुर स्वरले सजिएको उक्त कर्णप्रीय गीतमा दृश्य र मनिताको जोडिले स्कीन सेयर गरेका छन् । यस गीतमा शब्द कोर्ने काम भने गाविन्द हुमागाईले गरेका छन् ।

अविरल साइलाको कम्पोज, भोला पौडेलको रेकर्ड तथा निरज श्रेष्ठको संगीत एरेन्ज रहेको माया गर्ने मान्छे को गीतलाई सुसन प्रजापतिले क्यामेरामा कैद गरेका छन् । उज्ज्वल ढकालको उत्कृष्ट सम्पादन रहेको भिडियोलाई आदित्य बुढाथोकीले निर्देशन गरेका हुन् ।