बार्सिलोनाको जित

१९ फागुन काठमाण्डौं— हिजो राति घरेलु मैदान नाउक्याम्पमा भएको खेलमा गिजोनलाई बार्सिलोनाले ६ गोलले जित हात पारी स्पेनिस ला लिगा फुटबलको र्शीष स्थानमा पुगेको छ । उक्त खेलमा बार्सिलोनाले ९ मिनेटमा नै पहिलो गोल लिओनल मेस्सीले प्रारम्भ गरेको दुई मिनेट पछि लुईस स्वरेजले गोल गरेका थिए । खेलको पहिलो चरणको २१ मिनेटमा गिजोनका कास्ट्रोले गोल गरेर टोलीलाई अगाडि बढाउनमा उत्प्रेरित गरेका थिए । २७ औ मिनेटमा स्वरेजले फेरि एक गोल थपे पछि खेलको हाफमा नै बार्सिलोना ३—१ गोलले अगाडि भएको हो । दोस्रो खेलमा पाको अलासर, नेयमार, राकिटिकले एक एक गोल गरि गिजोन लाई ६—१ ले हराएका थिए । बार्सिलोनाले गिजोनलाई हराउदै ला लिगाको र्शीष स्थानमा पुगेको छ । भने यो लगाएतका खेलबाट ५७ अंक ल्याएको छ । रियल मड्रिड ५६ अंकले दोस्रो स्थानमा छ तर उसले एक खेल कम खेलेको छ ।