‘पूर्ण बहादुरको सारङ्गी’का निर्देशक पौडेलले घोषणा गरे ‘कोसेढुंगा’

काठमाडौँ – ‘पूर्ण बहादुरको सारङ्गी’का निर्देशक सरोज पौडेलले नयाँ फिल्म ‘कोसेढुंगा’ निर्माणको घोषणा गरेका हुन् । उनले आइतबार एक थिम पोस्टर सार्वजनिक गर्दै फिल्म निर्माण घोषणा गरेका हुन् । थिम पोस्टरमा घुरमैलो बिहानीलाई पृष्ठभूमिमा राखेर पहाडलाई हेरिरहेकी एक महिला उभिएका छिन् । माथि डाँडामा उभिएकी उनको अगाडि अग्लो रुख र पहाडी शैलीको घर छ र परपर क्षितिज छ ।

‘फिल्मको कलाकार र डिटेयल जानकारी हामी केही समयपछि दिनेछौ’, निर्देशक पौडेलले भने, ‘तर हामी यति भन्छौँ, पूर्ण बहादुरको सारङ्गी जसरी दर्शकले मन पराउनुभयो त्यसैगरी मन जित्ने फिल्म बनाउने कोसिस रहनेछ ।’ पौडे निर्देशित ‘पूर्ण बहादुरको सारङ्गी’ले नेपाली फिल्म उद्योगमा सबैभन्दा धेरै कमाउने फिल्मको रेकर्ड राखेको छ । फिल्मले स्वदेशी बक्सअफिसमा करिब ५० करोडको व्यवसाय गरेको छ ।