गीतकार सामना शाहको आँशुको वर्षात सार्वजनिक

काठमाण्डौ – गीतकारका रुपमा परिचित सामना शाहले आफ्नो नयाँ गीत आँशुको वर्षातलाई रिलिज गरेकी छिन् । आफ्नै यूट्युब च्यानल सामना म्यूजिक क्रियशनबाट उनले यो गीतलाई रिलिज गरेकी हुन् ।

मार्मिक प्रेम संवेदनामा आधारित आँशुको वर्षात मा मोडल सरस्वती खत्री फिचरिङ छन् । सरस्वती पछिल्लो समयमा चलेकी मोडल हुन् भने उनलाई विक्रम बुढाथोकी एवं उमेश लम्सालले साथ दिएका छन् ।
सामना शाहको शब्दमा नेत्र भण्डारीले पुरुष स्वर र पूर्णकला विसीले महिला स्वर यस गीतका लागि प्रदान गरेका छन् । संगीत नेत्र भण्डारीकै रहेको छ । गीतको संगीत संयोजन विश्वास नेपालको रहेको छ भने गीत मुद्रण कुमार रानाको रहेको छ । मारुनी डिजीटलमा गीतको कार्य गरिएको हो ।

भिडियोतर्फ यस गीतका लागि श्रीजन बरालले कथा÷निर्देशन गरेका हुन् भने राम केसीले छायाङ्कन गरेका हुन् । रंग संयोजन तथा सम्पादन अमृत चापागाईंको रहेको छ ।