बनेपा जुनियर क्रिकेट क्लबको पुनर्गठन तथा भेटघाट कार्यक्रम सम्पन्न

काभ्रेपलान्चोक – बनेपा जुनियर क्रिकेट क्लबले २५ औं रजत जयन्तीको अवसरमा आयोजित पुनर्गठन तथा भेटघाट कार्यक्रम सम्पन्न भएको छ ।

बनेपाको पार्टी भेन्युमा आयोजित उक्त कार्यक्रममा निशान कर्माचार्यको सभापतित्वमा काभ्रे फुटबल संघका कार्यवाहक अध्यक्ष महेश कर्माचार्यको प्रमुख आतिथ्यतामा सम्पन्न भएको हो ।

उर्जाशिल युवाहरुको पहलमा २०५५ सालमा स्थापन भएको बनेपा जुनियर क्रिकेट क्लबले तिन वटा राष्ट्रिय स्तरको क्रिकेट गर्नुको साथै स्थानीय स्तरको दुई वटा, सुभेन्द्र स्मृति क्लबको सह-आयोजकको भुमिका निर्वाह गरेको थियो ।

बनेपा जुनियर क्रिकेट क्लबले निशान कर्माचार्यको अध्यक्षमा १६ कार्यसमितिको पुनर्गठन गरेका छ । उक्त कार्यसमितिमा उपाध्यक्षहरु प्रणय सिंह मुसाजु, रोहिस कायस्थ, प्रबिन भोछिभोया, सचिब सुशील श्रेष्ठ, सह-सचिब कोलित शाक्य, कोषाध्यक्ष शेसन ताम्राकार, सह-कोषाध्यक्ष कबिन शाक्य र सदस्यहरुमा रोनिश ताम्राकार, रमेश अवाल, रोबिन भोछिभोया, राजकुमार खुप्पा, सौचन तौजले, सुरज दाहाल, रितेश कायस्थ, सरोज रन्जितकार रहेका छ्न ।

बनेपा जुनियर क्रिकेट क्लबले काभ्रेको क्रिकेट बिकासमा महत्त्वपूर्ण योगदान पुर्याउनु हुने विजित शाक्य, अशोक रत्न शाक्य, रुपेश कायस्थ र काभ्रे खेलकुद बिकासमा योगदान दिनु भएका महेश कुमार कर्माचार्यलाई सम्मान गरेका हुन ।

उक्त कार्यक्रम सितेरियो कराते संघका केन्द्रिय सदस्य प्रताप बैध, खेलकुद क्षेत्रमा योगदान गर्ने विजित शाक्य, रुपेश कायस्थ, अशोक रत्न शाक्य लगाएको उपस्थिति रहेको थियो ।