लायन्स क्लब अफ काठमाडौं इन्द्रेश्वर ३२५ आइको अध्यक्षमा पत्रकार ढकाल चयन

बनेपा – काभ्रेको पनौतीमा स्थापित लायन्स क्लब अफ काठमाडौं इन्द्रेश्वर ३२५ आइको आज चौथौं वार्षिक साधारणसभा बनेपामा एक कार्यक्रमको साथ सम्पन्न भएको छ ।

क्लबका संस्थापक अध्यक्ष ई. लायन रामकुमार बस्नेतको प्रमुख आतिथ्यमा भएको साधारणसभाले बर्ष २३/२४ का लागि नयाँ कार्यसमिति चयन गरेको छ ।

नयाँ कार्यसमितिमा काभ्रेका पत्रकार, लायन रामप्रसाद ढकाल अध्यक्षमा चयन हुनुभएको छ भने उपाध्यक्षमा लायन बिपशना शाक्य, सचिवमा लायन नवराज अधिकारी, कोषाध्यक्षमा कमल प्रसाद कुईंकेल, एलसीआइएफ कोअर्डिनेटरमा डायमण्ड थापा, मेम्बर चियरपर्सनमा एमजेएफ लायन पुष्प लाल तामाङ, सह-सचिवमा लायन लक्ष्मी मोक्तान तामाङ, क्लब एडमिनिस्ट्रेटरमा लायन रचना मोक्तान तामाङ, सर्भिस चियरपर्सनमा एमजेएफ लायन प्रतिक्षा दोङ चयन हुनुभएका छन् ।

कार्यक्रमा क्लबका २२/२३ अध्यक्ष डायमण्ड थापाको सभापतित्वमा सम्पन्न भएको थियो । सोही अवसरमा पनौती स्थित श्री प्राणनाथ माइती वृद्धा आश्रममा करिब ४३ जना आमा बुबाहरुका लागि नगद सहिद ३ बोरा चामल, ५० किलो चिनी, १ बाकस तेल, १० किलो दाल, ५ पाकेट नुन र १ पाकेट आटाको पिठो वितरण गरिएको थियो ।