जाले रुमाल सम्झना लिएर आए प्रशान्त र सुनिता

काठमाण्डौ– छिट्टै फर्कने बाँचाहरु गर्दै प्रदेशीने लाहुरेहरुका आफ्नै पिडाहरु रहेका छन् । एकातिर आफुले सोचे जस्तो प्रदेशमा हुदैन भने अर्का तिर बाटो हेरि बसिरहने घर परिवार र मन मुटुमा बसेकी मायालुहरु पर्खाइमै वर्षौ विताउन बाध्य हुने गर्दछन् । यस विच माया प्रेमिहरु विच उत्पन्न हुने अनेकन भ्रामक कुराहरु र यसले दिने पिडाहरुलाई दर्शकमाझ लिएर आएका छन् भिडियो निर्देशक टार्जन लिम्बुले ।

लामो समय देखि नेपाली चलचित्र गीत संगीत तथा डकुमेन्टिहरुमा काम गर्दै आईरहेका भिडियो निर्देशक टार्जन लिम्बुको निर्देशनमा जालै रुमाल सम्झना बजारमा आएको छ । निर्देशक लिम्बुकै छायाँकन रहेको नेपाली लोकसंस्कृति झल्काउने सुमधुर गीतमा, बाध्यताले प्रदेशिनु पर्दा माया प्रेमिहरु विच उत्पन्न हुने अनेकन पिडाहरुलाई भिडियो मार्फत देख्न सकिन्छ ।

नेपालका विभिन्न रमणीय स्थलहरुमा छायाँकन गरिएको गीतमा प्रशान्त पौडेल र सुनिता थेंगिमको अभिनय देख्न सकिन्छ । प्रशान्त पौडेल र सुनिता थेंगिमको सुमधुर आवाजमा सजिएको गीतमा शब्द संगीत पनि प्रशान्त पौडेलकै रहेको छ ।