काठमाडौं । अभियन्ता ईश्वर अर्यालले पूर्व प्रधानमन्त्री एवम् नेकपा एमालेका अध्यक्ष केपी शर्मा ओलीलाई नेपालको नयाँ नक्सा हस्ताण्तरण गर्नुभएको छ । नेपाल चिनाउने अभियानका साथ नेपालको आधिकारीक नक्सा वितरण गर्दै आउनु भएका अर्याल ४२ औ दिन बालकोट स्थित ओली निवास पुगी उहाँलाई नक्सा प्रदान गर्नुभएको हो । नापी विभागका पुर्व कर्मचारी ९सर्वेक्षक० अर्यालले ओलीसँगको छलफलमा भुगोल बिषयको महत्व दर्शाउदै कम्तिमा ८र९र१० कक्षामा भुगोल बिषयलाई अनिवार्य बिषय बनाउन पर्ने राय पेश गर्नुहुँदै पहलका लागी अनुरोध समेत गर्नुभयो।

देशभक्ती र राष्ट्रको माया जगाउन सके मात्र देश बिकास संभव हुने भन्दै अर्यालको सो अभियानको पुर्व प्रधानमन्त्री ओलीले सफलताको कामना गर्नुभएको थियो ।
देशभक्तीको सन्देशका साथ आफुले सो अभियान थालेको भन्दै अर्यालले बिधालय तहमा देशको भूगोलको शिक्षा बारे अनिवार्य राख्नुपर्ने बताउनु भयो । नापी बिभागका पुर्व सर्बेक्षक अर्यालले यस अगाडी काठमाडौंको विभिन्न स्कुल तथा कलेजहरुका विद्यार्थीहरुलाई नेपालको नक्सा बितरण गर्दै आउनु भएको छ ।
हरेक दिन उहाँले स्कुल, कलेज लगायतका विभिन्न क्षेत्रमा नक्सा बितरण गर्दै आउनु भएको छ ।आफूले १० हजार भन्दा बढीलाई नक्सा बितरण गरिसकेको उहाँले जानकारी दिनु भयो । अर्याल हाल त्रि। बि। भुगोल केन्द्रिय विभागमा विद्यावारिधी अध्ययनरत हुनुहुन्छ।