साधना म्यूजिक अवार्डमा मनोनयनमा परेकालाई प्रमाणपत्र वितरण कार्यक्रम सम्पन्न

काठमान्डौं –  साधना म्युजिक अवार्डको नोमिनेसन प्रमाणपत्र वितरण गरिएको छ । साधना म्युजिक अवार्ड २०७७ का उत्कृष्ट पाँचमा परेकालाई काठमान्डौंको प्रज्ञा प्रतिष्ठानमा एक कार्यक्रमका बीच प्रमाणपत्र प्रदान गरिएको हो । ‘अग्रजलाई सम्मान , नवलाई प्रोत्साहन कला गला संरक्षणमा हाम्रो अभियान’ भन्ने मुल नाराको साथ उक्त कार्यक्रम हुन लागेको हो ।

कार्यक्रमलाई रौनकता दिनको लागी विभिन्न नृत्यहरु प्रस्तुत गरिएको थियो । कार्यक्रममा राष्ट्रिय लोक तथा दोहोरी गीत प्रतिष्ठान नेपालका केन्द्रीय अध्यक्ष रमेश बिजीको प्रमुख आतिथ्यतामा उक्त कार्यक्रम सम्पन्न भएको थियो । कार्यक्रममा प्रमुख अतिथि रमेश बीजीले अवार्डप्रति लक्षित गर्दै भने वास्तविक स्रष्टाहरुले अवार्ड पाएर भाडाको साँघुरो कोठामा राख्न गाह्रो भइरहेको छ र अवार्ड भन्दा पनि कलाकारहरुलाई कलाकारितामा टिकिरहनको लागि पहिला पहल हनुजरुरी रहेको बताए ।

सामना म्युजिक क्रियसनको आयोजनामा हुन लागेको यस अवार्डमा लोकदोहोरी आधुनिक, पप र विधामा देशभरका कलाकर्मीहरुले सहभागी जनाएका छन् । प्रमाण पत्र वितहरण कार्यक्रममा राष्ट्रिय लोक तथा दोहोरी गीत प्रतिष्ठान नेपालका पूर्व अध्यक्ष चन्द्र शर्मा, वरिष्ठ पत्रकार शान्तिप्रिय, रेडियो काठमाडौंका प्रमुख बजार व्यवस्थापक एवं संचारकर्मी चन्द्रमणी गौतम, चलचित्र निर्देशक माधव राज खरेल, पावर न्युज राष्टिय मासिकका सम्पादक कमला जोशी , म्यूजिक खबरका सम्पादक सविता पोखरेल, गीत कला पत्रकार संघका अध्यक्ष सुमन पण्डित गायिका तथा व्यवसायी धनकुमारी थापा सरु, चर्चित गीतकार लोकराज अधिकारी, मोडल तथा अभिनेता श्रीदेव भट्टराई लगायत विभिन्न सञ्चार माध्यममा आवद्ध पत्रकार , संगीतप्रेमी तथा चर्चित कलाकारहरुको बाक्लो उपस्थिती रहेको थियो ।

सामना क्रियशनका अध्यक्ष सामना शाहको अध्यक्षतामा भएको उक्त कार्यक्रममा उपस्थित सम्पूर्ण अतिथिहरुलाई अवार्डका सदस्य सचिव गोकर्ण लामिछानेले स्वागत मन्तव्यद्वारा स्वागत गरेका थिए । कार्यक्रमलाई संचारकर्मी दीपज्योति थापाले संचालन गरेकी थिइन् ।