विश्वभर कोरोना संक्रमितको संख्या ४ करोड नजिक

काठमाडौं, २ कात्तिक । विश्वभर कोरोना भाइरसको संक्रमितको संख्या ४ करोड नजिक पुगेको छ । संक्रमणबाट मृत्यु हुनेको संख्या ११ लाख नाघेको छ । संक्रमण फैलदै जाँदा धेरै देशहरुमा मृतकको संख्या बढिरहेको छ ।पछिल्लो तथ्यांक अनुसार हालसम्म ३ करोड ९९ लाख ४५ हजार संक्रमित भइसकेका छन् । जसमध्ये ११ लाख १४ हजारको मृत्यु भएको छ । २ करोड ९८ लाख संक्रमण मुक्त भएका छन् । ८९ लाख सक्रिय संक्रमित संख्या छ ।

विश्वमा सबैभन्दा बढी अमेरिकामा ८३ लाख संक्रमित भएका छन् । जसमध्ये २ लाख २४ हजारको मृत्यु भइसकेको छ ।

भारतमा ७४ लाख संक्रमितमध्ये एक लाख १४ हजारको मृत्यु भइसकेको छ । ब्राजिलमा ५२ लाख संक्रमित संख्या मध्ये एक लाख ५३ हजारको मृत्यु भएको छ ।