योग्यराजद्धारा हेटौंडामा ५२ घरपरिवारलाई खाद्यान्न वितरण

लकडाउनको अवधिमा दैनिक गुजारा चलाउन गाह्रो परेको परिवारलाई खाद्यान्न वितरण गरिएको छ । युवा व्यवसायी तथा आइएमई लाइफ इन्स्योरेन्सका एजेन्सी म्यानेजर योग्यराज सापकोटाले हेटौंडाका विभिन्न वडामा ६६ हजार बराबरको खाद्यान्न सहयोग गरेका छन्, ।

हेटौंडामा दैनिक ज्यालादारी गर्ने मजदुरका ५२ घरपरिवारलाई खाद्यान्न सहयोग गरेको सापकोटाले बताए । विपद्को समयमा हाम्रो पनि सामाजिक उत्तरदायित्व रहने भएकाले सहयोग गरेको उनको भनाइ रहेको छ । वडामा विभिन्न मानिसहरुको पहलमा आफुले खाद्यान्न सहयोग गरेको उनले बताए ।

हेटौंडा ४ को कर्राका ६ जना, फरेष्ट्री गेटका ४ जना, कमलडाँडाका ३ जना र अजरअमररोडका १ जना, हेटौंडा ५को पिप्लेका ७ जना, भैरवरोडका १ जना, सिचाईटोलका १ जना सानोपोखराका १, मास्टरचोकका १ जना, हेटौंडा १० को बसपार्कका ४ जना, नारायाणी मलनिरका १ जनालाई खाद्यान्न सहयोग गरिएको थियो ।

त्यस्तै, हेटौंडा १ को स्वर्गलोकका ४ जना,चाइनाक्वाटरका ४ जना, चौकीटोलका १ जना, हेटौंडा ९ को लामसुरेका ५ जना, कर्राका ५ जना, दुर्गामन्दिरका १ जना, हेटौंडा १३ वनस्पतीका २ जनालाई खाद्यान्न वितरण गरिएको छ ।