इप्रका बनेपा प्रमुख तिमील्सिनाको नेतृत्वमा ‘लकडाउन’ उल्लंघन गरी हिड्ने ८४ जना नियन्त्रणमा

काभ्रेपलान्चोक – बनेपाको विभिन्न ठाँउमा लकडाउनको उलघंन गरी हिडेका ८४ जनालाई ईलाका प्रहरी कार्यलय बनेपाका प्रमुख योगेन्द्र तिमल्सिनाको नेतृत्वमा नियन्त्रणमा लिएर ती ब्यक्तीहरुलाई कार्वाही गरिएको छ ।

बनेपा नगरपालिकाको बजार एरीयामा बिना काम लकडाउन उल्लंघन गरी हिड्ने ७९ जना पुरुष र ५ जना महिला इलाका प्रहरी कार्यलय बनेपाले नियन्त्रणमा लिई बनेपा नगरपालिका स्थित पुलबजारमा रहेको बनेपा फुटसलमा (COVID-19) कोरोना भाईरस सम्बन्धी सचेतनामुलक अनुशिक्षण दिई २ घण्टा पश्चात छोड्ने प्रमुख तिमील्सिनाले बताए ।

नेपाल सरकारले अति आवश्यक काम बाहेक कोहि पनि घर बाट बाहिर ननिसक्न आदेश जारी गरेको थियो । कोरोना भाइरस रोकथामको लागि नेपाल सरकारले देश लाई नै लकडाउन लगाएको बेलामा अनावश्यक हिडढुल गरि लकडाउनको उलंघन गर्नहरु लाई प्रहरीले नियन्त्रणमा लिएर कार्वाही गरेको हो ।