चलचित्र लंगौटीको ट्रेलर सार्वजनिक (हेर्नुस् भिडियो)

१० , फागुन / काभ्रेपलान्चोक – बनेपा पछिल्लो समय नेपाली चलचित्रले पुराना कुराहरुलाई बढी महत्व दिन थालिएको छ । जसमध्ये एक चलचित्र हो लंगौटी । पहिले नै पोस्टरमा चर्चा बटुलेको यस फिल्मको ट्रेलर सार्वजनिक भएको छ ।

चलचित्र प्रदर्शन मिति असार ५ तोकिएको छ । निर्देशक सुजन खातिवडाका अनुसार लंगौटी चलचित्र एक पुरानो रितिरिवाज, कुरुकुल शिक्षा प्रणाली र जातीय परम्परालाई समेटेर बनाइएको डकुमेन्ट्री हो ।

फिल्ममा उमेश मायालु, आकाश नेपाली, सन्ध्या श्रेष्ठ, बसन्त आचार्य, सुजन खतिवडा , पुरुषोत्तम नेपाल, सुशील सैजु, शिव आचार्य, जगत स्टन्ट मेन, निशा कार्की, रोहित दंगाल, कञ्चन सापकोटा, सुदिप रेग्मी, विनोद तिमिल्सिना, निशा सापकोटा, कुमार थापा, जोसिला विक लगायतका कलाकारको अभिनय रहेको छ ।

फिल्ममा प्रज्वल देवाङ्, बासु न्यौपाने र दिनेश मुस्कानको छायांकन रहेको छ भने अनन्त घिमिरेले फिल्मलाई सम्पादन गरेका छन् ।

यस फिल्मको कथा निर्देशक खतिवडाले नै लेखेका हुन् भने पटंकथा नवराज गजुरेलले लेखेका हुन् । यस फिल्मको सह निर्माता सुशील सैंजु र शिव आर्चाय हुन भने चलचित्रमा सह निर्देशनमा मनोज खड्का रहेका छन्।