अरबिन्द्र गौतम / काभ्रेपलान्चोक
५ , पुस / काभ्रेपलान्चोक – बनेपा काभ्रेको बिकट गाउँ कोशीपारी राजधानीबाट नजिकै रहेता पनि यातायातको हिसाबले दुर्गमनै मान्नु पर्दछ । सडकको अबस्था साथै दैनिक जसो दुर्घटनाले सर्बसाधरण त्रसित भएका छन । टाढा टाढाबाट जाने यात्रुहरु झनै डरले भुत्तुकै हुने गर्दछन ।
अब भने यहाँका जनताहरु खुशी हुने दिन आएको छ । आज बसेको ए डि बि मिसन टिमले काभ्रे कोशीपारी दोलालघाट देखि चौरी खोला सम्मका सडक यसै चैत्र भित्र पिच गरिसक्नु पर्ने सडक निर्माण ब्याबसायीलाई निर्देशन दिएको छ ।
चौरी देउराली गाउँपालीकामा बसेको सर्वदलीय बैठकले यो निर्णय पारित गरेको हो । सडक निर्माण भएको झण्डै २० बर्ष पुग्दा समेत यहाँको सडक जस्ताको तस्तै रहेको हुनाले चौरीदेउराली गाउँपालीका अध्यक्ष दिननाथ गौतमले सर्बदलिय सयन्त्रमा रहेको हुदा यो योजना अगाडि बढाइएको बताउनु भयो ।
दोलालघाट देखि कोलाती, सल्ले ढाडखर्क, चौरीकोला सडक यसै चैत महिना सम्म द्रुत गतिमा पिच गरिसक्नु पर्ने निर्माण ब्याबसायी लाई चौरी देउराली गाउँपालीकाले निर्देश दिएको हो । यसै चौरी देउराली ५ का वडा अध्यक्ष राजकुमार गौतमले आफ्नो फेसबुक मार्फत जानकारी गराएका छन ।