एक सफल उद्यमी बन्न चाहन्छु ; उद्यमि राजकुमार दुलाल

१० , मङ्सिर / बनेपा – काभ्रेपलाञ्चोक जिल्ला पनौती नगरपालिका वडा नं ५ चौकोटमा जन्मनुभएको एक युवा राजकुमार दुलाल आज भोलि निकै व्यस्त हुनुहुन्छ । उहाँ विभिन्न क्षेत्रमा आवद्ध हुनुहुन्छ उहाँ सफल उद्यमिको साथै सफल व्यवस्थापकको नाम वाट सु–परिचित हुनुहुन्छ । दुलाल भन्नुहुन्छ काभ्रे जिल्लाकै पहिलो कान्छो उमेरको व्यवस्थापक हुँ । उहाँ हाल स्वर्गद्वारी बचत तथा ऋण सहकारी संस्थाको व्यवस्थापकको रुपमा काम गरीरहनु भएको छ साथै देउराली क्याफेको पनि सञ्चालक हुनुहुन्छ । प्रस्तुत छ अरविन्द्र गौतमले युवा व्यवसायी राजकुमार दुलाल सँग गरिएको छोटो कुराकानी

आजभोली के मा व्यस्त हुनुहुन्छ ?
म एउटा विद्यार्थी भएको नाताले आफ्नो पढाई व्यवसाय र स्वर्गद्वारी बचत तथा ऋण सहकारी संस्थाको व्यवस्थापकको रुपमा काम गरीरहेको छु ।

सफल व्यवस्थापक बन्न कत्तिको गाह्रो छ ?
धेरै गाह्रो छ । ब्यापार एउटा जोखिमको खेल भएको कारणले जो सुकैले यो जोखिम उठाउन सक्दैन । आँट र साहस भएको मान्छेले मात्र ब्यवासाय गर्न सक्दछ ।
व्यवस्थापन गर्न आफैँमा गाह्रो छ । तपाईले आफ्नो संस्था र व्यवसाय

कसरी सन्तुलन मिलाइरहनु भएको छ ?
मैले वित्तिय क्षेत्रमा करीब ५ बर्षको अनुभव हाँसिल गरीसकेको हुनाले मलाई कुनै पनि बिषयको ब्यवस्थापन सजिलै गर्न सक्छु भन्ने विश्वास छ र सक्छु पनि ।
ब्यवसाय पनि चलाई रहनु भएको छ । व्यवसाय चलाउँदा तपाईले व्यवस्थापन गर्नुभएको संस्थामा कुनै समस्या त आउँदैन ?
कहिले काँहि समस्या त आँउछ तर म एक ब्यवस्थापक भएको नाताले आएको समस्यालाई कुशलतापूर्वक टुङ्ग्याउँछु । यदि ठूलै समस्या आएको खण्डमा आफू भन्दा अग्रज व्यक्तित्वहरुसँग परामर्स लिएर अगाडी बढ्छु ।

दुइ मध्य एक रोज्नु पर्दा तपाई ब्यवस्थापन गरेर संस्था चलाउनुहुन्छ कि व्यवसाय रोज्नुहुन्छ ?
यदि दुई मध्य एक रोज्नु परेको खण्डमा व्यवसायलाई नै रोज्छु । किनकी म जोखिम सँग खेल्न रुचाउँछु ।

सानै उमेरमा नै यो कसरी सम्भव भयो ?
“असम्भव के छ र रु गर्दा के हुन्न र रु” भन्ने मुल उद्देश्यका साथ उमेरलाई भन्दा पनि कामलाई धेरै प्राथमिकता दिने भएकोले यो सम्भव भएको हो ।

भविष्यमा गएर के बन्न चाहानुहुन्छु ?
म भविष्यमा गएर एक सफल उद्यमी बन्न चाहन्छु ।

योजना केही बनाउनु भएको छ ?
खासै त्यस्तो त केहि छैन । गर्दै जाउँ कत्तिको सफल भईन्छ त्यस पछि मात्र एउटा दिर्घ योजना सहित अघि बढ्नु पर्ला ।