अरबिन्द्र गौतम / काभ्रेपलान्चोक
१२ , भदौ / काभ्रे – बनेपा हिन्दु महिलाहरुको महान पर्व हरितालिका तिजको अवसर परेर बेथानचोक गाउँपालिकाको स्थानीय तथा राष्ट्रिय कलाकारले तिज विशेष कार्यक्रम गर्ने लागेको कलाकार गणेश केसिले बताएका छन् ।
महिलाहरुको महान पर्व हरितालिका तिज आउन केही दिन मात्र बाँकी छ । केही दिन मात्र बाँकी रहदा बेथानचोक गाउँपालिकाको कलाकारले अरु गाउँपालिका तथा नगरपालिकाको कलाकारले आयोजना गर्ने नसकेको काम बेथानचोक गाउँपालिकाको कलाकारले गर्दै छ्न ।
बेथानचोक गाउँपलिकाको कलाकारहरुले तिज लाई माध्यनजर गर्दै बेथानचोक तिज धमाका २०७६ कार्यक्रम आयोजना गरेका छन् । स्थानीय कलाकारको साथै राष्ट्रिय कलाकारहरुको पनि सहभागिता रहने कार्यक्रमको आयोजक टिमले जानकारी दिएको छ ।
गणेश केसि , भगवान खत्री बिक्रम गौतम , मानव राज , पाल्देन लामा अशोक तामाङ , अमर कृष्ण चन्द , सोनिया डिसि लगायतका चर्चित कलाकारको साथमा स्थानीय प्रतिभाहरुको बेजोड प्रस्तुति रहनेछ ।
कार्यक्रम यहीँ भदौ १४ गते शनिबारका दिन श्री कालिका माबि बेथानचोक गाउँपालिका ४ पटिखर्कमा स्थानीय कलाकारको आयोजनामा बेथानचोक तिज धमाका २०७६ कार्यक्रम हुन लागेको हो ।