कलाकार संघको उपाध्यक्षमा बरिष्ठ चलचित्रकर्मी निरौला मनोनित

काठमाडौं – नेपाल चलचित्र कलाकार संघको उपाध्यक्ष पदमा बरिष्ठ कलाकार एवं निर्देशक मोहन निरौला मनोनीत भएका छन् । उनलाई कलाकार संघको साउन ३ गते बसेको वैठकले उपाध्यक्षमा मनोनीत गरेको हो ।

संघका अध्यक्ष रवीन्द्र खड्काको अध्यक्षतामा बसेको उक्त वैठकले कलाकार विशाल विष्ट र रामेश्वर बुर्लाकोटीलाई संघको कार्यसमिति सदस्यमा मनोनीत गरेको छ ।
वरिष्ठ कलकार निरौला २०४० साल देखि चलचित्र क्षेत्रमा लेखन, निर्देशन र अभिनयको क्षेत्रमा सक्रिय रहदै आएका छन् । परिवर्तन नेपालका केन्द्रीय अध्यक्ष रहेका निरौलाले २०४५ सालदेखि २०६७ साल सम्म नेपाल चलचित्र कलाकार संघको विभिन्न पदमा रहि काम गरिसकेका छन् ।