प्रधानमन्त्रीको फोटो बिगारेर फेसबुकमा पोष्ट गर्ने नेविसंघ कार्यकर्ता काभ्रेमा पक्राउ

२० , कात्तिक – काभ्रेपलान्चोक प्रधानमन्त्री केपी शर्मा ओलीको फोटो बिगारेर सामाजिक सञ्जाल फेसबुकमा पोष्ट गर्ने नेविसंघका कार्यकर्ता पक्राउ परेका छन् । पक्राउ पर्नेमा मण्डनदेउपुर नगरपालिका वडा नंवर ५ गौरिबिसौना देउपुर घर भएका १७ बर्षका कृष्ण ढकाल सेतु रहेका छन् । उनी देउपुरकै तपेश्वर उच्चमाविमा कक्षा १२ मा अध्ययनरत छन् ।

उनी नेविसंघको स्थानीय कमिटीमा आवद्ध कार्यकर्ता हुन् । उनलाई आज दिउँसो पक्राउ गरी धुलिखेल ल्याएर अनुसन्धान सुरु गरिएको जिल्ला प्रहरी कार्यालय काभ्रेले जनाएको छ । उनीमाथि साइबर क्राइमअन्तर्गत मुद्दा चलाउने तयारी भइरहेको प्रहरीले बताएको छ । यसअघि सामाजिक सञ्जालमा यस्तै पोष्ट गरेको अभियोगमा रोशी गाउँपालिकाका वडा सचिव होमनाथ सिग्देल पक्राउ परेका थिए ।

–  प्राइम न्युज बाट